Popular Bible Verses from Tegnum 1

Share

Tabsis thaus Vaaj Ntsujplig tug Dlawbhuv lug rua sau mej lawm, mej yuav tau txais fwjchim, hab mej yuav ua Kuv le timkhawv nyob rua huv nroog Yeluxalees, thoobplawg txhua qhov huv lub xeev Yudas, xeev Xamalis, hab moog txug qaabntuj kawg.”

Yexus teb puab has tas, “Tsi taag mej yuav paub txug lub sijhawm hab lub caij kws Leejtxiv tau teem tseg lug ntawm Nwg lub fwjchim lawm.

Muaj ib zag, thaus Nwg tseem nrug puab nyob, Nwg has rua puab tas, “Mej tsi xob tawm huv lub nroog Yeluxalees moog, tabsis mej yuavtsum nyob tog qhov khoomplig kws Kuv Txiv tau coglug tseg lawm; qhov ntawd Kuv tub qha rua mej lawm. Yauhaas muab mej ua kevcai raus lug ntawm dlej, tabsis ob-peb nub tomntej nuav, mej yuav tau ua kevcai raus lug ntawm Vaaj Ntsujplig Tug Dlawbhuv.”

Plaubcaug nub tomqaab kws Nwg sawv huv qhovtuag rovqaab lug, Nwg yeej lug tshwm rua puab pum ntau zag, ua rua puab paub tas Nwg tseem muaj sa nyob. Puab tau pum Nwg hab Nwg nrug puab thaam txug Vaajtswv lub Tebchaws.

Tomqaab Yexus has le ntawd taag, thaus puab tseem saibntsoov Nwg, tes Vaajtswv txawm coj kag Nwg moog rua sau ntuj, hab muaj ib tauv fuab lug roog Nwg, ua rua puab tsi pum Nwg lawm.

Thaus puab tseem taabtom saibntsoov Yexus moog rua sau ntuj, txawm muaj ob tug txivneej naav rigtsho dlawbpaug lug sawv kag ntawm puab ib saab hab has tas, “Cov tuabneeg Kalilais, mej sawv ntawm nuav saib sau ntuj ua dlaabtsi? Yexus tug kws Vaajtswv tau coj tawm ntawm mej moog rua sau ntuj lawm, yeej yuav rovqaab lug ib yaam nkaus le qhov kws mej pum Nwg moog rua sau ntuj lawm ntaag.”