Popular Bible Verses from Bawˇtsahˬ 22

Share

Kʼoeˇ ngeh, Sahˬpaˬ Miˬyehˇ mahˬ tahˬ laˆ kʼoeˇ mawˇ-ahˇ dawˬ ngehˬ nya-eu baoˬ biꞈ nehˬ-awˇ, “Nawˇ ngaˬ-ahˇ smˬ poˆ keuˆ ni diˬ paˬ-ehˇ, nawˬ-ahˇ ngaˇ mˇ lehˬ taˬ-euˬ aˬ jeˬ jaˆ ta” lehˇ mahˬ tahˬ laˆ kʼoeˇ mawˇ Baˬlamˬ-ahˇ ehˇ nehˬ-euˬ meh.

Kʼoeˇ ngeh, mi cehˇ tuˆ tehˬ-awˇ yawꞈ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ mawˇ nya ni, Baˬlamˬ-euˬ myaˆ nuiˆ-ahˇ Sahˬpaˬ Miˬyehˇ pah nehˬ-euˬ meh. Baˬlamˬ coˬ lah-awˇ, miˇ tsa awˆ byaˆ taˬ-euˬ meh.

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Aˬ jeˬ miˇ neh nawˬ-euˬ mahˬ tahˬ laˆ-ahˇ smˬ poˆ keuˆ ni nawˇ heu loꞈ-ehˇ diˬ te. Gaˇ ma heu kahˇ-ahˇ nawˇ le-eu maˬ tsaˬ-eu miˇ neh, laˆ tsoeˬ le-eu lehˇ ngaˇ oe-euˬ ma.

Mahˬ tahˬ laˆ kʼoeˇ mawˇ ehˇ-eu, “Dzeuˇ laˇ ngeh neh iˬ nah keuˆ ni nawˇ ngaˬ-ahˇ dziˬ luꞈ-eu maˬ ngeuˇ loˇ. Ngaˇ nawˬ-ahˇ heu loꞈ-ehˇ aˇ myaˆ poˆ jahˇ nehˬ laꞈ haw taˬ.” Baˬlamˬ gʼeh, “Dzeuˇ laˇ ngeh nawˇ ngaˬ-ahˇ heu loꞈ-ehˇ tiˬ poˆ-iˬ maˬ jahˇ nehˬ laꞈ haw-aˬ” lehˇ ehˇ nehˬ-euˬ meh.

Baˬlamˬ ehˇ-eu, “Nawˇ ngaˬ-ahˇ tsawˇ uˬ laˆ uˬ nehˬ laꞈ-euˬ miˇ neh diˬ-eu maˬ ngeuˇ nga loˇ. Mi cehˇ ahˇ law nmˇ-aˬ, nawˬ-ahˇ ngaˇ sehꞈ ma.”

Kʼoeˇ poˆ jawˇ, mˬ taˆ gʼaˬ kʼehˇ kʼoeˇ gʼaˬ-ahˇ mahˬ tahˬ laˆ kʼoeˇ mawˇ ya mawˇ ngeh, coˬ lah gʼeh-euˬ meh. Kʼoeˇ ngeh, Baˬlamˬ nui ma pehˇ laˇ-awˇ, mahˬ tahˬ laˆ kʼoeˇ mawˇ-ahˇ daˇ cuiˇ yuˇ-awˇ diˬ-euˬ meh.