Popular Bible Verses from Bawˇtsahˬ 14

Share

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

‘Sahˬpaˬ Miˬyehˇ pyeuꞈ-eu ngaˇ-aˬ, yaw awˇ laꞈ-ehˇ nui ma maˬ pehˇ. Ngaˇ-aˬ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu uˬ taꞈ, iˬ baˇ ahˇ-eu tsawˇ haˬ deuˬ hawˇ-eu ngaˬ-ahˇ puiˬ-eu tsawˇ haˬ deuˬ-ahˇ iˬ baˇ pyehˬ nehˬ-eu ma. Ehˇ kʼawꞈ, aˬ ma aˬ da aˬ piˬ aˬ bawˇ deuˬ-euˬ iˬ baˇ baˬ da neh, aˬ yawꞈ maꞈ-euˬ aˬ buˇ aˬ li hawˇ-eu oeˬ paˬ oeˬ maˬ deuˬ-ahˇ, smˬ ziˇ oeˬ ziˇ keuˆ ni maˬ bi dzeuˇ-iˇ ni ngaˇ kʼehˬ nehˬ ma’ lehˇ nawˇ ehˇ taˬ-euˬ jaˆ-eu meh.

Sahˬpaˬ Miˬyehˇ aˬ dui-ahˇ nui ma tsaˬ naˇ, aˬ dui-ahˇ kʼoeˇ gaˇ aˬ yawꞈ sheuˬ gʼeh-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ, aˬ dui-ahˇ biꞈ nehˬ laꞈ tehꞈ-a.

Ehˇ kʼawꞈ, ngaˬ-euˬ zaˬ kʼaˆ Gaˬlehˆ nui ma taˬ-eu aˬ cawˬ-ahˇ beu gaˇ-awˇ, ngaˬ-ahˇ saˇ jaˇ ziꞈ-eu miˇ neh, aˬ yawꞈ pyehˆ tseˇ haw leˇ-euˬ miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ-ahˇ ngaˇ sheuˬ keuˆ nehˬ-awˇ, aˬ yawꞈ-euˬ zaˬ deuˬ uˆ deuˬ miˇ kʼahˬ kʼoeˇ kʼahˬ ya geuꞈ tehꞈ-a.

Nymˬ-mˇ, aˬ yawꞈ maꞈ-ahˇ heu loꞈ-ehˇ ehˇ nehˬ-awˬ. ‘Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˇ dehꞈ luꞈ-eu jeˬ yaw duˬ baw-eu loꞈ-ehˇ, naw maꞈ neh kʼaˇ shaˇ-euˬ loꞈ-ehˇ ngaˇ mˇ nehˬ-eu jeˬkʼawꞈ yaw duˬ baw ma lehˇ ngaˇ kamˬ-eu ma.

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Aꞈ yawꞈ maꞈ nui ma cawˆ-eu laꞈ kʼoeˇ, Moˇseˬ hawˇ-eu Aˬloˬ-ahˇ iˬ baˇ taˬ-awˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ ya shiˇ law nmˇ-aˬ muiˬ dzehˬ tehꞈ-a. Heu gaˇ, bawˇ tsahˬ bawˇ dahˇ heu tsahˇ laꞈ kʼoeˇ ya shiˇ law nmˇ kʼawꞈ, zaˬ dzehˬ tehꞈ-a.

Kʼoeˬ sho haw leˇ-euˬ tsawˇ haˬ deuˬ laꞈ kʼoeˇ, Nuˬ-euˬ aˬ li Yawˇshuˆ hawˇ-eu Yeˬpuˬnehˇ-euˬ aˬ li Gaˬlehˆ aˬ nyaꞈ nui ma cawˆ dui dui-eu laꞈ kʼoeˇ, mehˬ tsoeˬ cehˬ pyaˬ-awˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-eu, “Nga maꞈ neh pyehˆ tseˇ haw leˇ-euˬ miˇ kʼahˬ-aˬ, muiˬ dui dui-eu miˇ kʼahˬ pyeuꞈ-eu meh.

Ehˇ kʼawꞈ, ngaˇ dehꞈ luꞈ-eu jeˬ hawˇ-eu miˇ tsaˬ kʼoeˇ taˆ ngaˬ-euˬ yaw shehꞈ kʼahˬ sehˇ byah-eu jeˬ yaw duˬ baw-eu loꞈ-ehˇ, tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ, aˬ yawꞈ maꞈ tiˬ jawˇ-iˬ maˬ paˇ ya uˇ keuˆ leˇ meh. Ngaˬ-ahˇ kʼaˇ byehˇ dzeh-euˬ tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-a.