Popular Bible Verses from Yawˇshuˆ 10

Share

Muiˇ-eu deuˬ-ahˇ Iˇsaˬleˬlaˆ tsawˇ haˬ deuˬ maˬ deuˆ gʼaˬ kʼoeˇ keuˆ ni, nahˇ ma hawˇ-eu ba la maˬ jiˆ-iˇ ni naˬ-euˬ meh. Jaˬshaˬ sahˬ boꞈ laꞈ kʼoeˇ gaˇ kawˆ kʼoeˇ boꞈ taˬ-euˬ meh. Tiˬ nah nah ga-ehˇ nahˇ ma maˬ ga ahˇ ni, mˬ-euˬ gʼahˇ ceh naˬ leˇ taˬ-awˇ jaˆ-euˬ meh.

Aˬmawˇliˆ tsawˇ haˬ deuˬ kʼoeˇ taˆ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi gʼaˬ leˇ ngeh nah, Sahˬpaˬ Miˬyehˇ-ahˇ Yawˇshuˆ dawˬ ngehˬ cawˬ-euˬ meh. Iˇsaˬleˬlaˆ tsawˇ haˬ deuˬ mehˬ shi Yawˇshuˆ ehˇ-eu, “Nahˇ ma-oˇ, Giˇbyoˬ meuˬ kʼoeˇ taˆ naˬ-awˬ. Ba la-oˇ, Aiˬjaˬloˬ deh kʼawꞈ kʼoeˇ taˆ naˬ-awˬ.”

Dzeuˇ laˇ-euˬ mehˬ nah paw maˬ ehˇ, aˬ kaˇ dehꞈ daˆ leꞈ-eu mehˬ hu paw maˬ ehˇ, tsawˇ haˬ zaˬ tiˬ gʼaˬ-euˬ ehˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-euˬ aˇ nah kʼoeˇ nah loꞈ-ehˇ gʼeh-eu aˇ nah tiˬ nah-iˬ maˬ jaˆ haw-aˬ. Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ paw pyawˬ-awˇ guiˇ deuˆ-euˬ meh.

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ngaˇ a nehˬ taˬ-euˬ ma. Aˬ yawꞈ maꞈ tiˬ gʼaˬ-iˬ nawˬ-ahˇ guiˇ maˬ deuˆ gʼaˬ nya-a.”

Kʼoeˇ naˇ, aˬ yawꞈ-euˬ yaw huiˬ yaw mahˇ deuˬ-ahˇ Yawˇshuˆ ehˇ nehˬ-eu, “Guˆ-eu nui ma maˬ-ehˇ, gʼaˬ baˬ-eu nui ma maˬ ehˇ, naw maꞈ laꞈ kʼoeˇ taˬ bi ahˇ. Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ dawˬ tawˆ luꞈ-ahˇ, Sahˬpaˬ Miˬyehˇ heu loꞈ-ehˇ jahˇ nehˬ tehꞈ-a.”