Popular Bible Verses from Doˆ-iˇ 8

Share

Mah loˬ nya-eu tsawˇ haˬ kʼoeˇ deuˬ aˬ yawꞈ maꞈ-euˬ mah loˬ tsawˇ gahˇ-ahˇ gʼoe-awˇ, caˇ gawˬ bi doˆ laˇ ni jahˇ-eu lehˇ leh jeh-euˬ kʼawꞈ, maˬ jahˇ pyeuꞈ nya-a. Yawˬ gaˇ yawˬ na luꞈ, caˇ gawˬ tehꞈ-ehˇ byah jiˇ-euˬ meh. Kʼoeˇ ngeh, “Heu-aˬ, Miˬyehˇ neh mˇ-euˬ jeˬ pyeuꞈ-eu ngaˇ” lehˇ, mah loˬ nya-eu tsawˇ haˬ kʼoeˇ deuˬ sahˬ paˬ-ahˇ ehˇ neh-euˬ meh. Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬ loˬ-euˬ ehˇ dawˬ maˬ naˇ haˬ ni jawˇ-euˬ meh.

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ jawˇ gaˇ iˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˬ-euˬ tsawˇ haˬ deuˬ ngaˬ-ahˇ uˬ duˬ tahˬ laˇ nya ni pyehˬ nehˬ-awˬ.

Kʼaˬ paˬ kʼoeˇ deuˬ shiˇ jiˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ-euˬ nui ma paˇ gʼahˇ laˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni pyeuꞈ-iˇ-euˬ meh.

Aˬ yawꞈ maꞈ-ahˇ maˬ pyehˬ nehˬ naˇ, miˇ kʼahˬ kʼahˬ lah ni kʼaˬ paˬ bi byah laˇ-eu laꞈ kʼoeˇ, nawˬ-euˬ miˇ kʼahˬ-ahˇ ngaˇ kʼehˬ nehˬ ma.

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu kʼaˬ lehˇ dawˬ tawˆ luꞈ caˇ gawˬ pyeuꞈ jiˇ ni, gawˬ yoeˬ yuˇ-awˇ miˇ tsaˬ-ahˇ juiꞈ-awˬ lehˇ Aˬloˬ-ahˇ ehˇ nehˬ-awˬ” lehˇ

Sahˬ paˬ kʼoeˇ gʼaˬ-euˬ nymˇ hawˇ-eu yaw huiˬ yaw mahˇ deuˬ-euˬ nymˇ deuˬ-ahˇ, myaˬ dui dui-eu puˬ saˆ baˬ maꞈ Sahˬpaˬ Miˬyehˇ pyehˬ gʼeh-euˬ meh.