“Yuˇdaˆ tsawˇ haˬ Huˇyaˆ-euˬ oeˬ paˬ pyeuꞈ-awˇ, Uˇliˆ-euˬ aˬ li pyeuꞈ-eu Baˬzeˬlaˇ-ahˇ ngaˇ tseˇ doˆ gʼaˬ-euˬ ma. Laꞈ myawˬ laꞈ muˆ mˇ-eu jeˬ-ahˇ taꞈ leˇ-eu noeˬ doˆ mˇ doˆ nya-eu zaˬ siˬ tsawˇ gahˇ dawˬ tawˆ luꞈ, aˬ yawꞈ-ahˇ ngaˇ biꞈ gʼaˬ-euˬ ma. Shuiˇ, pyuˇ hawˇ-eu guiˬ shuiˇ myawˬ guˇ deuˬ noeˬ doˆ mˇ doˆ nya ni maˬ ehˇ, aˇ poeˬ kʼaˆ-eu kʼaˬ lo sehˇ deuˬ jeˬ juˇ-awˇ, guꞈ tsoꞈ taꞈ tsoꞈ nya-eu gʼaˇ duˬ maˬ ehˇ, daˇ kawˬ teˇ byaꞈ deuˬ-ahˇ laꞈ sawˆ sawˆ juˇ nya ni maˬ ehˇ, laꞈ myawˬ laꞈ muˆ mˇ-eu nui deuˬ gaˇ dawˬ tawˆ luꞈ-ahˇ aˬ yawꞈ mˇ nya ni maˬ ehˇ, zaˬ siˬ tsawˇ gahˇ deuˬ aˬ yawꞈ-ahˇ ngaˇ biꞈ gʼaˬ-euˬ ma.