Popular Bible Verses from Doˆ-iˇ 23

Share

Naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˬ-ahˇ naw maꞈ uˬ duˬ tahˬ naˇ, ngaˇ naw maꞈ-ahˇ dzaˬ dzaˬ dawˇ dawˇ hawˇ-eu iˇ cuꞈ guiˬ lahˬ biꞈ-awˇ, naw maꞈ kʼoeˇ taˆ naˇ-eu gawˇ-eu jeˬ maˬ bi keuˆ le ni yuˇ dzeh ma. Naw maꞈ jawˇ-eu miˇ kʼahˬ laꞈ kʼoeˇ, zaˬ miˬ zaˬ tiˬ gʼaˬ-iˬ zaˬ maˬ dzeh-eu uˬ taꞈ, maˬ baw aˬ ma maˬ jawˇ ni ngaˇ mˇ ma. Ngaˇ naw maꞈ-ahˇ ziˇ bi baw ma.

“Ngaˬ neh laˆ saˆ taˬ-euˬ jawˇ duˬ-ahˇ naw maꞈ-ahˇ sheuˬ keuˆ nehˬ-eu gʼaˇ duˬ maˬ ehˇ, gaˇ pehˇ-ahˇ iˇ luꞈ ngeh, naw maꞈ-ahˇ bi haw piˇ-eu gʼaˇ duˬ maˬ ehˇ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma.

Ehˇ kʼawꞈ, naw maꞈ aˬ yawꞈ ehˇ dawˬ naˇ haˬ-awˇ, ngaˬ neh kʼaˇ ehˇ taˬ-euˬ yawˬ jeˬ na luꞈ mˇ naˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ-ahˇ ngaˇ guiˇ deuˆ ma.

Tsawˇ haˬ myaˬ tiˬ paˆ yaw lehˬ jeˬ mˇ ngeh maˬ ehˇ, yaw tsaˬ yaw dawˇ jeˬ-ahˇ bahˬ-eu saˇ kiˇ kamˬ ngeh maˬ ehˇ, nawˇ maˬ ya caw teh-a. Shaˬ-eu zahˬ-eu tsawˇ haˬ-ahˇ gʼawˬ shaˬ haw gaˬ-eu laꞈ kʼoeˇ, aˬ yawꞈ jawˇ paw pyawˬ-awˇ yaˇ kʼaˬ maˬ ya ja-a.

“Aˬ cawˬ gaˇ kawˆ, maˬ ngeuˇ gaˇ keuˆ ni ja bu ja doeˇ-eu jeˬ nawˇ maˬ ya mˇ-a. Maˬ tsaˬ maˬ dawˇ-eu tsawˇ haˬ jawˇ paw pyawˬ-awˇ, maˬ tsaˬ maˬ dawˇ-eu saˇ kiˇ nawˇ maˬ ya kamˬ-a.