Popular Bible Verses from Doˆ-iˇ 2

Share

Aˬ yawꞈ maꞈ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ Miˬyehˇ ya gaˬ ngeh, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ aˬ yawꞈ neh dawˬ ma saˇ jaˇ dzaˬ taˬ-euˬ gaˇ noeˬ keuˆ-euˬ meh. Iˇsaˬleˬlaˆ tsawˇ haˬ deuˬ aˬ cawˬ laꞈ oˆ zaˬ kʼaˆ ya geuꞈ luꞈ gaˇ aˬ yawꞈ ya mawˇ ngeh, aˬ yawꞈ maꞈ gʼaˇ duˬ shaˇ noeˬ-euˬ meh.

Aˇ kʼoꞈ aˇ la myahˇ laˇ ngeh jawˇ, Iˇjiˇtuˆ miˇ kʼahˬ-ahˇ uˆ lahˇ-eu sahˬ paˬ ziˇ jiˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ shaˬ dui zahˬ dui dui-eu laꞈ kʼoeˇ, aˬ cawˬ zaˬ kʼaˆ ya geuꞈ luꞈ-awˇ, caw ba le-awˬ lehˇ guˇ guˇ-ehˇ ngoeˇ luꞈ-eu meh. Aˬ yawꞈ maꞈ ngoeˇ luꞈ-eu teˇ saˇ Miˬyehˇ-ahˇ gaˬ leˇ-euˬ meh.

Aˬ li kʼoeˇ li huiˬ laˇ ngeh, sahˬ paˬ zaˬ miˬ jawˇ gaˇ sheuˬ gʼeh nehˬ-euˬ meh. Sahˬ paˬ zaˬ miˬ kʼoeˇ gʼaˬ, aˬ li kʼoeˇ li-ahˇ, aˬ yawꞈ-euˬ aˬ li tiˬ gʼaˬ loꞈ-ehˇ cu geuꞈ-euˬ meh. “Aˬ li heu li-ahˇ iˇ cuꞈ laꞈ kʼoeˇ ngaˬ neh gʼeu doˆ-euˬ miˇ neh, Moˇseˬ lehˇ myahˇ nehˬ ma” lehˇ, sahˬ paˬ zaˬ miˬ kʼoeˇ gʼaˬ, yawˬ haˇ yawˬ ha ehˇ-euˬ meh.

“Nawˇ zaˬ heu gʼaˬ ciˬ kʼoꞈ gʼeh-awˇ, ngaˬ-euˬ gʼaˇ duˬ bo sa nehˬ laꞈ-awˬ. Nawˬ-ahˇ ngaˇ bo saˆ poeˬ biꞈ ma” lehˇ, zaˬ miˬ zaˬ kʼoeˇ gʼaˬ-ahˇ sahˬ paˬ zaˬ miˬ ehˇ nehˬ-euˬ meh. Kʼoeˇ naˇ, zaˬ miˬ zaˬ kʼoeˇ gʼaˬ, aˬ li kʼoeˇ li ciˬ kʼoꞈ gʼeh-awˇ, bo saˆ-euˬ meh.

Kʼoeˇ ngeh, sahˬ paˬ zaˬ miˬ lawˇ baˬ-ahˇ iˇ cuꞈ dzuiꞈ le-awˇ, aˬ yawꞈ-euˬ zaˬ miˬ zaˬ zaˬ kʼaˆ deuˬ lawˇ baˬ lawˇ deh caw caw-ehˇ cah luꞈ-eu meh. Aˇ toꞈ toꞈ yaˇ laꞈ kʼoeˇ jaˆ-eu pawˬ tuˇ tiˬ siˬ-ahˇ sahˬ paˬ zaˬ miˬ kʼoeˇ gʼaˬ tiˬ poˆ tehꞈ-ehˇ ya mawˇ-awˇ, aˬ yawꞈ-euˬ zaˬ kʼaˆ-ahˇ kʼehˇ-awˇ bi ciˬ doˆ laˬ-iˇ-euˬ meh.

Moˇseˬ huiˬ loˆ laˇ ngeh jawˇ, aˬ yawꞈ-euˬ tsawˇ jeuˬ pyeuꞈ-eu Heˬbyehˇ tsawˇ haˬ deuˬ jawˇ gaˇ doe doe-ehˇ cah haw-iˇ-awˇ, aˬ yawꞈ maꞈ-ahˇ kʼehˬ-awˇ myawˬ kʼaˆ bi mˇ luꞈ gaˇ ya mawˇ-euˬ meh. Tiˬ nah-aˬ, Iˇjiˇtuˆ tsawˇ haˬ tiˬ gʼaˬ, aˬ yawꞈ-euˬ tsawˇ jeuˬ Heˬbyehˇ tsawˇ haˬ tiˬ gʼaˬ-ahˇ sehꞈ-euˬ gaˇ, aˬ yawꞈ ya mawˇ-euˬ meh. Moˇseˬ jawˬ jawˬ-ehˇ haw-awˇ, tsawˇ haˬ tiˬ gʼaˬ-iˬ maˬ jawˇ gaˇ ya mawˇ ngeh, Iˇjiˇtuˆ tsawˇ haˬ kʼoeˇ gʼaˬ-ahˇ sehꞈ-awˇ, kʼaˇ shuiꞈ laꞈ kʼoeˇ beuˬ pahˬ yaꞈ-euˬ meh.