Popular Bible Verses from Doˆ-iˇ 10

Share

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ kʼoeˇ gʼaˬ jawˇ gaˇ iˇ-awˬ. Zahˬ leˇ paˬ-ehˇ gʼeh-eu gaˇ heu deuˬ Iˇjiˇtuˆ tsawˇ haˬ deuˬ-ahˇ ngaˇ ya mˇ mehˬ nehˬ ni maˬ ehˇ, zahˬ leˇ paˬ-ehˇ gʼeh-eu gaˇ heu deuˬ mˇ mehˬ nehˬ-eu laꞈ kʼoeˇ, Iˇjiˇtuˆ tsawˇ haˬ deuˬ-ahˇ ngaˬ neh aˬ joˆ-ehˇ laˆ shaˬ laˆ zahˬ nehˬ-euˬ gaˇ kawˆ, naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ naw maꞈ dzawˇ nehˬ nya ni maˬ ehˇ, sahˬ paˬ kʼoeˇ gʼaˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma gʼahˇ ni ngaˇ jahˇ nehˬ taˬ-euˬ ma. Ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ, naw maꞈ dawˬ tawˆ luꞈ ya siˬ ya mawˇ tehꞈ-a.”

Kʼoeˇ naˇ, “Tsawˇ haˬ zaˬ-euˬ aˬ laꞈ neh sawˆ haw ngeh, sawˆ zaꞈ nya paˬ-ehˇ zahˇ-eu, zahˇ tsui ni gʼeh-eu jeˬ, Iˇjiˇtuˆ miˇ kʼahˬ kʼoeˇ taˆ bi keuˆ le-eu gʼaˇ duˬ, nawˬ-euˬ aˬ laꞈ mˬ paw cawˬ diˇ-awˬ” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh. Moˇseˬ-euˬ aˬ laꞈ mˬ paw cawˬ diˇ ngeh, zahˇ dui dui-eu zahˇ tsui ni gʼeh-eu jeˬ, smˬ nah keuˆ ni Iˇjiˇtuˆ miˇ kʼahˬ kʼoeˇ taˆ keuˆ le-euˬ meh. Iˇjiˇtuˆ tsawˇ haˬ deuˬ tiˬ gʼaˬ tiˇ gʼaˬ maˬ haw mawˇ nya-ehˇ, aˇ yamˬ kʼoeˇ yamˬ laꞈ kʼoeˇ, tsawˇ haˬ tiˬ gʼaˬ-iˬ tsawˬ dahˬ laꞈ nyiˇ maˬ doˆ-iˇ ni jawˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ kʼaˇ jawˇ gaˇ yaw shehꞈ jaˆ-euˬ meh.

Moˇseˬ aˬ yawꞈ-euˬ gawˬ yoeˬ yuˇ-awˇ, Iˇjiˇtuˆ miˇ kʼahˬ kʼoeˇ taˆ cawˬ ja ngeh, Iˇjiˇtuˆ miˇ kʼahˬ kʼoeˇ taˆ, nahˇ ma doˆ kʼehˬ paw-euˬ jaˬ lehˇ tiˬ nah tiˬ miˇ keuˆ ni Sahˬpaˬ Miˬyehˇ neh bi baw-euˬ meh. Uˬ shawˬ keuˆ le ngeh, jaˬ lehˇ kʼoeˇ nyehˇ bahˇ hehˇ ahˇ laꞈ-euˬ meh. Nyehˇ bahˇ kʼoeˇ deuˬ baˬ maꞈ puˇ jeˬ-ehˇ oe-awˇ, miˇ kʼahˬ kʼoeˇ kʼahˬ laꞈ kʼoeˇ jawˇ byah jiˇ-euˬ meh. Nyehˇ bahˇ kʼoeˇ maꞈ-aˬ, dzeuˇ laˇ ngeh tiˬ jawˇ-iˬ maˬ ya mawˇ haw-euˬ uˬ taꞈ, aˬ kaˇ kaˇ ziˇ keuˆ ni tiˬ jawˇ-iˬ maˬ paˇ ya mawˇ haw-eu myaˬ dui dui-eu nyehˇ bahˇ aˇ maꞈ maꞈ ma pyeuꞈ-eu meh.