Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma. Naw maꞈ jah-eu baˬ da neh naw maꞈ laꞈ kʼoeˇ Ka li jawˇ le ni ngaˇ guiˬ lahˬ shaˇ-eu ma. Naw maꞈ gʼoeˇ-eu gaˬ-eu jeˬ-ahˇ dawˬ pehˬ taˬ ni ngaˇ guiˬ lahˬ shaˇ-eu ma. Ka li-euˬ gʼoeˇ-eu gaˬ-eu jeˬ aˇ naˆ ni huiˬ, aˇ naˆ ni mahˇ-awˇ, aˇ naˆ ni naꞈ, aˇ naˆ ni goˇ-eu gaˇ kawˆ, Miˬyehˇ-euˬ tsawˇ haˬ dawˬ tawˆ luꞈ tiˬ kawˆ loꞈ-ehˇ naw maꞈ gʼoˆ shaw nya-eu baoˬ ahˇ laˇ ni ngaˇ shaˇ-eu ma. Aˬ yawꞈ-euˬ gʼoeˇ-eu gaˬ-eu jeˬ-aˬ, tiˬ byah tiˬ loꞈ maˬ siˬ duˬ nya-eu jeˬ pyeuꞈ-eu kʼawꞈ, gʼoeˇ-eu gaˬ-eu kʼoeˇ-ahˇ naw maꞈ siˬ nya laˇ-awˇ, Miˬyehˇ laꞈ kʼoeˇ byah luꞈ-eu jeˬ naw maꞈ laꞈ kʼoeˇ byah laˇ luꞈ-uˇ.