Popular Bible Verses from Daˬyeˬlaˇ 8

Share

Aˬ yawꞈ-aˬ, baoˬ huiˬ dui dui tehꞈ-a. Ehˇ kʼawꞈ, aˬ yawˇ yawꞈ baoˬ huiˬ laˇ-euˬ maˬ ngeuˇ-a. Aˬ yawꞈ-aˬ, guˆ laˇ paˬ-ehˇ gʼeh-eu laˆ cawˆ-eu jeˬ mˇ-awˇ, aˬ yawꞈ kʼaˇ mˇ mawꞈ-euˬ yawˬ jeˬ na luꞈ mˇ pyeuꞈ shaˇ pyeuꞈ nya-eu meh. Baoˬ huiˬ-eu tsawˇ haˬ deuˬ hawˇ-eu Miˬyehˇ-euˬ tsawˇ haˬ deuˬ kʼoeˇ taˆ, yaw cawˆ jeˬ keuˆ le ni aˬ yawꞈ mˇ tehꞈ-a. Aˬ yawꞈ tsawˇ gahˇ gahˇ-awˇ jaˬ myawꞈ mehˇ shuiˇ zmˬ-eu laꞈ kʼoeˇ, gʼawˬ mya jeˬ mˇ doˆ laꞈ tehꞈ-a. Aˬ yawˆ yawꞈ huiˬ dui mahˇ dui dui miˇ-a lehˇ noeˬ-awˇ, tsawˇ haˬ gʼawˬ mya ni-ahˇ maˬ noeˬ maˬ duˇ-ehˇ jawˇ gaˇ tiˬ jeˬ-iˬ maˬ ehˇ ni sehꞈ tehꞈ-a. Sahˬ paˬ dawˬ tawˆ kʼoeˇ taˆ huiˬ-eu Sahˬpaˬ-ahˇ kʼawꞈ, aˬ yawꞈ yehˬ bawˬ sehˇ lu-ehˇ ehˇ-eu meh. Laˆ luˬ laˆ seˇ nehˬ gaˇ aˬ yawꞈ ya daˬ tehꞈ-a. Ehˇ kʼawꞈ, tsawˇ haˬ zaˬ-euˬ baoˬ neh laˆ luˬ laˆ seˇ nehˬ-eu jeˬ maˬ ngeuˇ-a.

Aˬ yawꞈ ehˇ-eu, “Miˬyehˇ nui ma pehˇ-eu jeˬ aˬ joˆ-ehˇ gʼeh laˇ nga lehˇ nawˬ-ahˇ ngaˇ mehˬ nehˬ nyaˇ. Nawˬ neh ya siˬ ya mawˇ-euˬ heu-aˬ, aˇ saˬ saˬ-eu aˇ nah aˇ yamˬ-ahˇ taꞈ leˇ-eu meh. “Nawˬ neh ya mawˇ-euˬ uˬ coeˇ nyiˬ kahˬ tsoꞈ-eu yawˇ kʼoeˇ mawˇ-aˬ, Meˬdiˇ miˇ kʼahˬ hawˇ-eu Paˇshaˇ miˇ kʼahˬ-ahˇ ehˇ mawꞈ-eu meh. Ciꞈ myehꞈ kʼoeˇ mawˇ-aˬ, Heˬlaˬshaˆ miˇ kʼahˬ pyeuꞈ-awˇ, myaˆ nuiˆ nyiˬ nuiˆ yaw kaˬ-ahˇ ngaw law ni tsoꞈ-eu uˬ coeˇ kʼoeˇ kahˬ-aˬ, sahˬ paˬ yaw beh gʼaˬ-ahˇ ehˇ mawꞈ-eu meh.