Sahˬpaˬ Miˬyehˇ heu loꞈ-ehˇ ehˇ-eu meh.
“Deh yaˇ tsehˬ-awˇ ka muiˬ-euˬ gaˇ,
cehˇ maˬ yehˬ kʼmˬ coeˇ-eu aˇ nah,
aˬ gaꞈ aˇ siˬ ka siˬ-euˬ gaˇ,
dzaˇ uiˇ maˬ lehˬ coeˇ-eu aˇ nah,
aˇ nah kʼoeˇ nah keuˆ le luꞈ meh.
Coeˇ dui dui-eu aˬ gaꞈ dzaˇ uiˇ,
gawˬ jawˬ kʼoeˇ taˆ dzaˆ ka le-awˇ,
gawˬ duˇ kʼoeˇ taˆ yoeˇ le tehꞈ-a.
Ngaˬ-euˬ tsawˇ jeuˬ Iˇsaˬleˬlaˆ,
aˬ cawˬ miˇ kʼahˬ-ahˇ shaˬ luꞈ-eu,
yawˬ ha miˇ kʼahˬ-ahˇ sheuˬ kʼoꞈ ma.
Cawˆ-iˇ-euˬ meuˬ deuˬ tsoˆ muiˬ-awˇ,
yawꞈ maꞈ jawˇ duˬ dah leˇ tehꞈ-a.
Aˬ gaꞈ yaˇ kmˇ paˇ mˇ poˆ-awˇ,
aˬ gaꞈ dzaˇ uiˇ ya dawˇ tehꞈ-a.
Myawˬ kmˇ yaˇ kmˇ paˇ mˇ poˆ-awˇ,
ka-eu loꞈ-ehˇ ya dzaˬ tehꞈ-a.