Popular Bible Verses from RUM 4

Share

Minonongkuyaan kasai' i' iyau om a' minikoduwo o ginawo dau do monongkuyaan di batos do Kinorohingan. Tu' pinopogirot nogid ginawo dau i kotumbayaan dau, gisom do minamarayou iyau'd Kinorohingan. Monongkuyaan i' kopio iyau do milo o Kinorohingan do momonsoi'd nunu nopo i pinabatos dau.

Tu' poingkaa o pinoboros do Kinorohingan dot id di Abraham, “Nosiliu tiya' nod tapa' dot ogumu' o bansa'd tulun,” ka. Om iyo noddi o Kinorohingan do minamatos dot id di Abraham. Om notumbayaan i' i Abraham do Kinorohingan. Iyau no i Kinorohingan di mamasi'd tulun di napatai, om iyau o Kinorohingan di poboroson nopo dau nga' owonsoi nopo it a' insan kowonsoi.

Nakatahak no i Yesus do maan patayo', dot i dusa toko' o kinapamatayan; om posio' noddi kawagu iyau'd Kinorohingan om koulud toko' i' kawagu dot id Kinorohingan.

Om a' i' tuminingkod i Abraham do minagandad om minonongkuyaan do mulong piya dot aiso' no daa o paantakan dau do magandad. Om iri no o kinosili-silihan dau do tapa' dot ogumu' o bansa'd tulun, do miagal di nokotulis dot id suang do Buuk do Kinorohingan do poingkaa, “Sumapou nondo kopio o sinakagon nu,” ka.

Om pinoboros pogid Kinorohingan i batos diri nga' notumbayaan i' i Abraham dau. Om iri no o sumiliu'd kotontuan dot id koinsanai'd sinakagon di Abraham dot iri nopo batos diri om pinopuhawang i' toomod do Kinorohingan dot id diyolo'; om okon nopo ko' id tulun no di tumanud do Tourat, nga' id tulun nogi' dit otumbayaan do Kinorohingan do miagal di Abraham tu' notumbayaan do Kinorohingan. Tu' i Abraham no o panakatapa' ngai' toko'.

“Olumaag no i tulun di noompunan ngai' o kasalaan om i nolobong do Kinorohingan o dusa! Olumaag no i tulun dit a' do Tuhan imbulayan o dusa!” ka.

Om nokotulis i' dot id suang do Buuk do Kinorohingan o poingkaa, “Notumbayaan i' i Abraham do Kinorohingan, om iri no i kotumbayaan dau o kinopomoromitan do Kinorohingan dau, om kohubayaan iyau'd Kinorohingan,” ka.