Popular Bible Verses from RUM 2

Share

Nga' iyokoyu nopo, oi tobpinai-tobpinai ku, om mingwonsoi kou i' di pingwonsoyon di tulun di pasalaon dokoyu! Ondos daa dokoyu om koidu' kou iyokoyu do mantad id hukuman do Kinorohingan. Ko' pagaan-gaanon po dokoyu i kopuhawango'd Kinorohingan om i kosonongo' dau om i kolonuto'd ginawo dau dit a' ogina-gina'? Atantu' no do koilo kou i' do pinointalang pogi'd Kinorohingan o kosonongo' dau nga' orohian iyau do rumorologo kou do koinsanai di dusa dokoyu.

Iyo nopoddi, oi tobpinai-tobpinai ku, om isai kopio ko daa iya', oi tobpinai, tu' papasala' ko'd tulun do suwai? Aiso' i' o nunu-nunu nu do paantakan nu do popotopot do tinan nu! Tu' ondung papasala' ko'd tulun do suwai, om momonsoi ko i' iya' do miagal di wonsoyon diyolo', om paparatu' ko no do hukuman dot id tinan nu.

Tu' oiyo i' o pomumutus do Kinorohingan do koinsanai'd tulun.

Tu' koulud pogi' kawagu o tulun dot id Kinorohingan nga' okon i' ko' i nokoilo i tulun diri di Tourat; suwai ko' i minomonsoi iyau di ponuhuan di Tourat o nokoulud-ulud dau.

Tu' sulian indod Kinorohingan o pointikid-tikid do tulun do miontok di nowonsoi dau.

Nga' tulun nopo di momusorou nod dau'd tinan om it a' mumboyo'd Kinorohingan, tu' tumanud nogi' dit angaraat, om katagadan no iyolo'd Kinorohingan.

Nga' pinokodou i' dokoyu o ginawo dokoyu om osurilog kou. Om gowoi poddi om iyokoyu i' om iyokoyu o momoruhang do kawagato' di hukuman do pomohukum dokoyu dot orikot o Kopupuson diti Pomogunan; tontok di pointalangon do Kinorohingan o kototogod dau om momutus iyau dot otulid o pomumutus.