Popular Bible Verses from OBADIA 1

Share

Boros kad TUHAN, “Nga' hilo' nopod nuluhon do Sion, om haro i' ot apasi, om osiliu i nuluhon diri do kinoiyonon di pinotobilang do maan do doho'. Om aanu nondo kawagu do sinakagon di Yakub i tana' di tinungkusan diyolo'.

Boros kad TUHAN, “Oruhai no kopio i tadau do bisaraon ku, iyoho' i TUHAN, i piro-piro o bansa'. Om nunu nopondo i wonsoyon dot Idom om iyo noddi o posulion dot id dau. Om aanu nondo kawagu dau i pinatahak dau.

Noudutan ko di kasasawat do ginawo nu. Iri no i bandar nu dot agayo o pogintirungan nu dot ogirot, i watu do winonsoi; iyonon nu nopo om hiti'd timpak do nuluhon dit akawas. Om gowoi poddi do momusorou ko dot, ‘Isai po daa o kaala' doho'?’ ka nu.

Mulong piya do wonsoyon nu o walai nu dot iyo di rumun do kondiu kasawat, om iyo di rombituon do hilo'd tawan kasawat, nga' milo oku i' do mongoi pomohuyas diri.