Popular Bible Verses from MARKUS 8

Share

Tu' tulun nopo dit orohian nod momogompi' do dau'd koposion, om okon nogindo dot atagakan di koposion dau. Nga' tulun nopo di papatahak do koposion dau do gisom dot apatai dot iyoho' o kapatahakan om i Habar dot Osonong do mantad id Kinorohingan om apasi nogindo kopio iyau.

Tu' nunu no o kountungan do tulun, dot asanganu ngai' piya dau o pomogunan, nga' atagakan indo iyau do koposion dau?

Om lohowo' noddi di Yesus i tulun dot ogumu' di hino'd hiri om i piro-piro tumatanud dau. Om boro-boros noddi iyau diyolo' do poingkaa, “Tulun nopo dot orohian do tumanud doho', om mositi' nod lihuan i dau'd korohian, om sumaan do salib dau, om tumanud nondo doho'.

Milo toi o koposion do poolonon do nunu nopo? Ondung ointingayaman o tulun do mangakun do tumatanud iyau doho'; om it a' poposusui diti ponudukan ku dot id tulun dit angaraat om it a' otumbayaan do Kinorohingan do maso'dti, om i Tanak do Tulun nga' ointingayaman nondo do mangakun do tumatanud dau o tulun diri, do rumikot iyau do mikuwo'd kuasa' do Tapa' dau, om miwoyo' di piro-piro o moloikat dit olidang,” ka di Yesus.

Om ponguhot po kawagu i Yesus, “Nga' isai oku dot osorou dokoyu?” ka dau. Om boros ka di Pitrus do suminimbar, “Iya' nopo om i Raja' di Gampamasi,” ka dau.