Popular Bible Verses from MARKUS 2

Share

Om korongou noddi di Yesus i ponguhatan diyolo'ddi, om simbar no iyau diyolo' do poingkaa, “A' i' rumikot dot id dokutur i tulun dit aiso' o toruol, suwai ko' iri no i tulun di kitoruol. Kinorikatan ku nopo om okon i' ko' mongoi pomolohou di tulun di momusorou dot osonong iyau, suwai ko' mongoi pomolohou di tulun di momusorou dot a' iyau osonong,” ka dau.

Soira' di nokito di Yesus o kogoyoo' do kotumbayaan diyolo' om boro-boros no i Yesus di tulun dit a' koundaliu'ddi do poingkaa, “Oi tanak ku, noompunan ngai' no o dusa nu,” ka dau.

Om boros ka kawagu di Yesus dot id diyolo', “Tadau nopod Sabat om winonsoi do bagi'd tulun. Okon i' ko' tulun o winonsoi do bagi'd tadau'd Sabat.

Nga' a' i' iyolo' nokoinsomok di Yesus tu' ogumu' kopio i' o tulun. Om raago' nopo diyolo' i taap dit id hapak kopio di Yesus. Om pouluho' noddi diyolo' i tulun dit a' koundaliu'ddi do mitonggoi di pinoliiyan dau.

Nga' pointalangon ku do dinondo dot id dokoyu do kikuasa' i' i Tanak do Tulun do mangampun do dusa do hiti'd pomogunan,” ka dau. Om pomoros po kawagu i Yesus dot id tulun dit a' koundaliu'ddi do poingkaa, “Ingkakat no, om saano' ino liniiyon nu, om muli' i',” ka.

Honggo'dti ot osonong-sonong do popoboros, ‘Noompunan no o dusa nu’, ka ko', ‘Ingkakat no, om saanon i' ino liniiyon nu om mamanau nogindo,’ ka?

Om ingkakat noddi i tulun diri om olomus nopo do minanaan di liniiyon dau om pamanau no do suminoliwan dot antang-antangan di tulun dot ogumu'. Om kosuayai ngai' noddi i tulun dot ogumu' do nokokito'ddi. Om oinsanan nopoddi i tulun do hiri do minamarayou'd Kinorohingan. Boros ka diyolo', “A' toko' po insan kokito do miagal diti,” ka.