Popular Bible Verses from MATIUS 7

Share

Om boros ka kawagu di Yesus, “Pokianu kou no, om oonuan kou i'; pogihum kou no, om okito i' dokoyu; pogkoritik kou nod totobon, om iwangan kou indo.

Tu' iri nopo tulun di mokianu, om kaanu no; om i tulun di mogihum nga' kokito no; om i tulun di mogkoritik do totobon nga' iwangan no.

Om boros ka kawagu di Yesus, “Iyo nopoddi, om iri nopo i tulun di korongou do boros ku om tumanud nondo kopio'ddi, om iyo no di tulun dit oilo tu' minamaal do walai dau do poingimpou do watu.

Wonsoyon no dokoyu dot id tulun do suwai o poingkuro nopo i korohian dokoyu do wonsoyon diyolo' dot id dokoyu. Iri no o komoyon kopio di Tourat di Musa om i ponudukan di piro-piro o nabi,” ka dau.

Nga' iri nopo i wawayaan om i ralan do wayaan do tulun do kumaa dot id koposion om okikip om aradaat po. Om okuuri' o tulun do kotunud diri,” ka dau.

Om boros ka kawagu di Yesus, “Suang kou no di wawayaan dit okikip; tu' iri nopo i wawayaan om i ralan do kumaa do hilo'd naraka om agayo, om ogumu' o tulun do maya'ddi.

Mulong piya dot angaraat kou nga' milo kou i' do papatahak dit ongosonong dot id tangaanak dokoyu. Om a' nogi' tuu'ndo milo do papatahak dit ongosonong i Tapa' dokoyu di hilo'd surga? Iyau nopo om koilo po ko' iyokoyu do papatahak dit ongosonong dot id tulun di mokianu dau.

Om boros ka kawagu di Yesus, “Kada' kou papasala' do tulun do suwai, om a' kou i' iyokoyu pasalaon do Kinorohingan. Tu' poingkuro nopo o ralan dokoyu do papasala' do tulun do suwai, om iyo noddi o Kinorohingan do papasala' dokoyu. Om nunu nopo o toturan di pakayon dokoyu do papasala'd tulun do suwai, om iri no o pakayon do Kinorohingan do papasala' dokoyu.

Om iri no i tulun di korongou diti boros ku nga' a' indo tumanud diti, om iyo di tulun do basug di minamaal do walai dau do hiri'd togis.

Nokuro tu' okito nogi' kopio dokoyu o giniab do kayu dit okooro' do nokoliwata' do mato do tobpinai dokoyu om a' i' dokoyu opurimanan o kayu di songwatang i' o kogoyoo' do nokoliwata' do mato dokoyu iyokoyu? Poingkuro kou do milo'd momoros dot id tobpinai dokoyu dot, ‘Hondi, iduwo' ku diya' ino giniab do kayu dot okooro' do nokoliwata' do mato nu,’ ka, om maso i' do haro o watang do kayu do nokoliwata' do mato dokoyu iyokoyu?

Om boros ka kawagu di Yesus, “Antaan-taan no dokoyu i nabi di goudut. Tu' mingiyo-iyo daa iyolo' do dumba' do rumikot dot id dokoyu, nga' otopot nopo kopio om iyo i' iyolo' di toni tu' orongit. Otutunan indo dokoyu iyolo' dot i kowoyo-woyoon diyolo' o kotutun-tutun. Iri nopo bulungkut do korugian om a' i' mongua' do tua'd anggur, om i guas do rugi nga' a' i' mongua' do tua'd ara.

Orombung nopo i kayu om osonong no i tua'. Nga' a' nopo orombung i kayu om araat no o tua'.

Kayu nopo dit orombung om a' i' mongua'd araat, om i kayu dit a' orombung nga' a' i' mongua'd osonong.

Om iri nopo kayu dot a' osonong o tua', om tagadon no om tutudan.