Popular Bible Verses from MATIUS 5

Share

Aiso' i' o tulun di modtutud do lampung om tinggouban nogindod kakanan. Suwai ko' potimpakon i' dau i lampung diri dot id podtitimpakan kasai' do lampung, om otitihan ngai' indo o koinsanai'd tulun do hiri'd suang di walai. Om iyo nogiddi tu' potitihon no kopio o tanawau dokoyu dot id tulun do suwai, om okito indo diyolo' i wonsoyon dokoyu dit osonong, om royohon nondo diyolo' i Tapa' dokoyu di hilo'd surga,” ka dau.

Iyokoyu no miagal do tanawau diti pomogunan. Iri nopo bandar dit id timpak do nulu-nulu om a' no milo'd lisokon.

Olumaag no i tulun dit olidang o ginawo; tu' kokito indo iyolo'd Kinorohingan.

Olumaag no i tulun dit orohian do momonsoi'd korohian do Kinorohingan, do poinghalib mantad ko' korohiano' do minum ko' makan; tu' pohubayaan indo i korohian do ginawo diyolo'.

Nga' baino' nopo om poingkaa o doho'd poboroson dot id dokoyu: Kosianai kou no di pisangod dokoyu, om sambayangai no dokoyu i tulun di monginggorit dokoyu

Boros ka dau, “Olumaag no i tulun di kopuriman do mosikin dot id suang do rusod; tu' kasanganu indo iyolo' do Pomorintaan do surga!

Olumaag no i tulun di popiulud; tu' roitan indo iyolo'd tangaanak do Kinorohingan!

Olumaag no i tulun di tumongob; tu' insasamadan i' iyolo'd Kinorohingan!

Olumaag no i tulun dit inggoriton tu' momonsoi iyolo'd korohian do Kinorohingan; kasanganu indo iyolo' do Pomorintaan do surga!

Olumaag no i tulun dit osianan do tulun do suwai; tu' iyolo' nga' kosianan indo do Kinorohingan!

Olumaag kou no dot indaraaton kou piya, om inggoriton, om pinsingudutan, dot i tumanud kou doho' o kopongiyo'ddian. Tu' iri piro-piro nabi dit id gulu ko' iyokoyu nga' noinggorit i' do miagal diri. Kotood kou no om kooropod kou no kopio, tu' agayo i' o tisomuli' do nokoopi'd Tuhan do hilo'd surga do patahakon dokoyu,” ka dau.

Olumaag no i tulun dit osiriba' o ginawo; tu' asanganu indo diyolo' iti pomogunan.

Om boros ka kawagu di Yesus, “Iyokoyu no miagal do silaon dot id toinsanan o tulun do hiti'd pomogunan. Nga' ondung manau i silaon, om a' no kopio milo do mosin kawagu. Om aiso' no guna'ddi, suwai ko' pataamon poo, om pingulakan pondo'd tulun.

Iri nopo i Tapa' dokoyu di hilo'd surga om osianan i' kopio do koinsanai'd tulun. Om iyokoyu nga' apatut nogi' dot osianan kopio do koinsanai'd tulun,” ka dau.

Poboroson nopo om, ‘Oo,’ ka, ko', ‘Amu',’ ka, tu' ogumu' nopo ko' iri o boros om mantad no dot id Rogon,” ka dau.

Om boros ka kawagu di Yesus, “Koilo kou i' do haro po o ponudukan do poingkaa, ‘mato o pomolokop do mato om nipon o pomolokop do nipon,’ ka. Nga' baino' nopo om poingkaa o doho'd poboroson dot id dokoyu: Kada' dokoyu suliai dot araat i tulun di nokowonsoi'd araat dot id dokoyu. Suwai ko' ondung haro o tulun do monompiling do pingas dokoyu'd wanan, om pologoson nopo i tulun diri do monompiling do pingas dokoyu'd gibang.

Ondung i mato dokoyu'd wanan o kobungou dokoyu do momonsoi'd dusa, om irulon nogi' om pataamon i mato'ddi. Mogo-mogot nogid atagakan kou dot ongoiso' do pakakas do tinan dokoyu ko' oinsanan o tinan dokoyu do kataam do hilo'd naraka. Ondung i longon dokoyu'd wanan o kobungou dokoyu do momonsoi'd dusa, om potodon nogi' om pataamon i longon diri! Mogo-mogot nogi' dot atagakan kou do tiso' o longon dokoyu ko' oinsanan o tinan dokoyu do kosuang do naraka,” ka dau.