Popular Bible Verses from MATIUS 3

Share

Pointalango' po dokoyu do nokorologo kopio kou do momonsoi'd dusa.

Om korongou noddi o boros do Kinorohingan do mantad hilo'd tawan do poingkaa, “Iti no i Tanak ku di kosianan ku. Om iyau no i kohubayaan kopio do ginawo ku,” ka.

Om kobotisai poddi i Yesus, om tilombus nopo iyau do tuminindal. Om sigog nopoddi do miniangkang o tawan om kokito no di Yesus i Rusod do Kinorohingan do luminintuhun dot id dau do miagal do punai o kowoyo-woyoo' do suminondot.

Iyoho' nopo om waig noo pamatis ku dokoyu do popointalang do nokorologo kou do momonsoi'd dusa; nga' iyau nopo i rumikot do kosusuhut doho', om mamatis indo dokoyu do Rusod do Kinorohingan om tapui. Iyau nopo om agayo po ko' iyoho'. Om a' oku i' osorupai do mongigit piya di kasut dau.

Nokosodia' no kapak do panagad di kayu do porotopon do tana' o pananagad. Pointikid-tikid do kayu dit a' mongua' dot osonong om tagadon no om pataamon do hiri'd tapui.

Om i Yohanis no i tulun di komoyon di Nabi Yosaya, do tontok di minomoros iyau do poingkaa, “Haro o tulun do mimboros dot opuhod do hilo'd tana' do kowotuan do poingkaa, ‘Rontisan no ralan do wayaan do Tuhan; potingon no i ralan do wayaan dau,’ ka,” ka dau.