Popular Bible Verses from MATIUS 27

Share

Om pomogiak noddi i Yesus dot opuhod di jam kotolu do sosodopon. Boros ka dau, “Iloi, Iloi, lama sabaktani,” ka. Komoyon nopoddi nga', “Oi Kinorohingan ku, oi Kinorohingan ku, nokuro tu' tinongkiadan oku diya'?” ka.

Om iri tirai di poinrinding do hiri'd Walai'd Sasambayangan dot Agayo nga' kopiduwo nopo do nohurak do mantad pod hiri'd sawat om gisom do nokosondot do hiri'd siriba'. Om guminuyu' o tana' om nangababak o pampang. Om nongoukaban o lobong, om ogumu' o tulun di nangapatai no, i songonuon do Kinorohingan do napasi kawagu.

Om pomogiak poddi kawagu i Yesus dot opuuhod, om koidu' noddi o ginawo dau.

Om minodosi tomod diri i boyoon di soudor om koinsanai di soudor di madtamong daa di Yesus do nokito diyolo' i tana' do guminuyu', om iri ngai' i nongosiliu do miagal diri. Om boros kaddi diyolo', “Otopot no kopio do Tanak iyau'd Kinorohingan!” ka.

Om pitangaadau noddi, om tuong nopo o pointongkop do pomogunan diri do solinaid do tolu o jam.

Om boros kaddi di Pilatus do minonguhot diyolo', “Iyo nopoddi, om kukuroyon ku nondo i Yesus i roitan do Kristus?” ka dau. Om boros ka diyolo', “Posolibon nopo iyau!” ka. “Nga' nunu toi o kasalaan dau?” ka kawagu di Pilatus do minonguhot. Nga' okon nogi' dot opuhod tomod iyolo' do mininggiak do, “Posolibon nopo iyau!” ka.