Popular Bible Verses from MATIUS 24

Share

Om tumongkop nopondo kopio o karaaton gisom dot ogumu' nondo o tulun dit a' no milo dot osianan. Nga' iri nopondo tulun dit ogirot do gisom do kopupuson om posion indo.

Om popinsunudon nondo dot id pointongkop do pomogunan i Habar dot Osonong do pasal do Pomorintaan do Kinorohingan, om kongorongou ngai' indo o tulun diri. Om osiliu pondo o miagal diri om orikot nogi' o kopupuson diti pomogunan,” ka dau.

Om korongou kou nondo do tuni do mogisasaap om habar do mogisasangod; nga' kada' kou kooris. Tu' a' no milo'd a' osiliu ngai' o miagal diri, nga' okon po mando ko' kopupuson kopio'd pomogunan iri.

Mogisasaap nondo o bansa'd tulun, om mogisasangod o pomogunan. Om pointongkop nopondo o mononglous om gumuyu' o tana'. Nga' iri ngai' nopoddi om koimpuunon nogi' do miagal noddi tondu' do monohoruol nogi' do tontok dit oruhai nod osusu.

Tumanus i' o tawan om pomogunan, nga' boros ku nopo om hino kasai' i' do gisom do poingompus,” ka dau.

Tu' ogumu' nondo o tulun do rumikot do mamakai'd ngaran ku om momoros dot, ‘Iyoho' no i Raja' do Gampamasi!’ ka. Om ogumu' tomod nondo o tulun dot aakalan diyolo'.

Om ngoyon kou nogindo tangkapo' om inggoriton kou om patayon kou. Om oinsanan nopondo o hiti'd pomogunan dot araatan dokoyu tu' tumatanud kou i' doho'. Om tontok nopondoddi om ogumu' nondo o tulun do tumanus o kotumbayaan, om ogumu' o tulun do popohudsu do tulun do suwai om mogitotogod. Ogumu' nondo o nabi di goudut do rumikot, om magakal nondo iyolo' dot ogumu' o tulun.

Om boros ka di Yesus do suminimbar, “Antaan-taan no kopio dokoyu om a' kou i' apalid.

Iyo nopoddi, om iyokoyu nga' apatut nogi' do posodia' kasai' nopo. Tu' rumikot indo i Tanak do Tulun do tontok do maso dit a' i' daa dokoyu soro-sorohon,” ka dau.

Iyo nopoddi, om antaan-taan no dokoyu, tu' a' i' dokoyu oilaan ondung soira' i Tuhan dokoyu do rumikot.

Om boros ka kawagu di Yesus, “Aiso' i' o koilo ondung soira' o tadau om jam diri, om iri piya i moloikat di hilo'd surga nga' a' i' koilo, om iri Tanak do Kinorohingan nga' a' i' koilo suwai ko' iri no i Tapa' o koilo.

Tu' mimbulai motindo o piro-piro o gampamasi di goudut om piro-piro o nabi di goudut. Om mingwonsoi nondo iyolo' do piro-piro o koimayaan, om i kosuayan kopio do maan do pagakal do tulun, om milo-milo nopo om pagakal nogi' do tulun piya di nasanganu nod Kinorohingan.

Rumikot nopondo i Tanak do Tulun, om kowoyo-woyoo' nopo do korikatan dau om iyo do kowoyo-woyoo' di poimpasi po i Nuu di gulu po. Tontok di piro-piro po o tadau do mantad do korikatan di sakob dot agayo, om mangakan-ngakan nopo om monginum-nginum om mogikakawin i tulun. Om iyo nopo kasai'ddi do gisom do norikot i tadau di suminuang i Nuu di kapal do rahat. Om korikatai poddi iyolo' di sakob om kopurimanai nogi' daa'ddi diyolo' i nosiliu'ddi. Om iyo noddi o kowoyo-woyoo' do rumikot o Tanak do Tulun do koimbagu.