Popular Bible Verses from MATIUS 19

Share

Om ontong noddi i Yesus diyolo' om boro-boros nod, “A' no daa kopio milo'd tulun do wonsoyon o miagal diri, nga' milo ngai' id Kinorohingan do wonsoyon,” ka dau.

Om okon noddi ko' duwo po iyolo', suwai ko' iso' poo. Om iri no o kokuwaan do nunu nopo i nopiiso' do Kinorohingan om a' no koino-ino do pitongkiadon do tulun,” ka dau.

Om boros ka di Yesus do suminimbar, “A' kou po toi nakabasa' dot id suang do Buuk do Kinorohingan do nopo di timpuun i' om minomonsoi'd tulun i Gompomonsoi, om winonsoi nopo dau om kusai om tondu'? Om kowonsoi poddi dau iyolo', om boro-boros no iyau do poingkaa, ‘Iri no o kotongkiadan do kusai di tina' om tapa' dau om kopiiso' i' iyau di sawo dau, om iyolo' nopondo goduwo om osiliu dot iso-iso',’ ka.

Nga' boros ka di Yesus dot id tumatanud dau, “Pologoso' nopo ilo tangaanak do rumikot dot id doho'! Kada' dokoyu iyolo' oduhai tu' iri no tulun do miagal do tangaanak diti o kasanganu di Pomorintaan do surga,” ka dau.

Nga' ogumu' indo o tulun dit id gulu daa do dinondo poo do kotohuri, om iri no it id tohuri do dinondo om kopogulu nogindo,” ka dau.

Om pointikid-tikid do tulun di nokotongkiad do walai dau ko' tobpinai dau'd kusai ko' tondu' ko' tina' om tapa' ko' tangaanak, ko' tumo dau dot iyoho' o kinotongkiadan, om kaanu no i tulun diri dot inghatus piluap ko' mantad diri. Om kaanu po i tulun diri do koposion dit otopot kopio om i poingompus.

Om boros ka di Yesus dot id dau, “Ondung orohian ko dot osiliu'd tulun dit aiso' o kabara-barasan, om ngoyon ngai' no padagango' i dapu' nu. Om patahakon no i tusin di gatang di dapu' nu'ddi dot id tulun do mosikin, om kaanu ko indo do dapu' do hilo'd surga. Om owonsoi nu pondo o miagal diri, om rumikot no do mongoi tanud doho'!” ka dau.

Om boros ka di Yesus do suminimbar, “Nokuro tu' monguhot ko doho' ondung nunu it osonong? Iso' noo ot osonong. Om ondung orohian ko'd apasi, om tonudon no i ponuhuan do Kinorohingan,” ka dau.

Om iti po o poboroson ku dokoyu: osonong-sonong nogi' o songinan ot unta do sumuang di luang do dalat, ko' mantad do tulun do kaya' do sumuang di Pomorintaan do Kinorohingan,” ka dau.

Iyo nopoddi, om pokinongoho' no dokoyu iti: Isai nopo o kusai di magada' do sawo dau, om a' i' daa i sawo dau minomonsoi'd araat, om kumawin nondo kawagu do tondu'd suwai, om magampahu' no i kusai'ddi,” ka dau.

Om boros kaddi di Yesus dot id tumatanud dau, “Poboroson ku no dokoyu, do tulun nopod kaya' om osusa' no kopio do kosuang di Pomorintaan do surga.