Popular Bible Verses from MATIUS 12

Share

Iyo nopoddi, om soro-soroho' no dokoyu do Tadau nopondo do Kopomutusan, om tonggungon i' do pointikid-tikid do tulun i boros di nokolombus diyolo'. Tu' iri no i boros dokoyu o maan do pongilo ondung kisala' kou ko' aiso',” ka dau.

Iyokoyu nopo om tulun dit angaraat, om poingkuro po daa do milo kou do mimboros dot osonong, dot angaraat kou? Tu' nunu nopo i koboros om iri no it id suang do ginawo!

Iri nopo tulun dit osonong om popoboros i' dit osonong tu' poimponu' i' iyau do kosonongo'. Nga' iri nopo tulun dit araat om popoboros no dit angaraat tu' poimponu' i' iyau do karaaton.

Iyo nopoddi, om ilaai no dokoyu, do tontok nopo do momonsoi o tulun do dusa om mimboros do mongindaraat om oompunan po! Nga' ondung mongindaraat o tulun do Rusod do Kinorohingan om a' no iyau oompunan!

Om boros ka kawagu di Yesus, “Mositi' no dot osonong o ponuni-suni di kayu om ongosonong indo i tua'ddi. Ondung a' osonong o ponuni-suni di kayu, om iri piya'ndo i tua' nga' a' no osonong. Iri i tua' di kayu o kotutun-tutun ondung osonong tuu o ponuni-suni di kayu ko' amu'.