Popular Bible Verses from OTURAN 26

Share

Moyo-woyo' oku indo kasai' dokoyu; om osiliu oku do Kinorohingan dokoyu, om iyokoyu nga' osiliu nondo do tulun ku.

om porikoton ku indo kasai' o rasam di dongkararasaman kasai', om kosuni i' i songintanom do hiri'd tana', om mongua' i kouwaan dokoyu.

Ondung miontok dit oturan o kowoyo-woyoon dokoyu om mumboyo' kou di ponuhuan ku

Om onuan ku indo iyokoyu do kosimbayanan do hilo'd pomogunan dokoyu, gisom dot osimbayan kou nopod modop, tu' aiso' no o poddosi dokoyu. Punsoon ngai' ku nopondo i nintorusan dit ongorongit do hilo'd pomogunan dokoyu, om pisangadan do hilo' nga' aiso' nondo.

Barakatan ngai' ku indo iyokoyu, om onuan ku iyokoyu do tanak dot ogumu'. Om nunu nopo i nakabatos ku dot id dokoyu nga' bayaanon ngai' ku i'.

Iyoho' no i TUHAN, i Kinorohingan dokoyu, o pinoposoliwan dokoyu do mantad hilo'd Masir om a' kou noddi osiliu'd turipon. Noidu' ku no i kuasa' di monginggorit dokoyu om nosiliu ku no iyokoyu'd tulun dit a' porintaon do bansa'd suwai,” ka dau.

Om mundorong oku indo dot id pogialatan dokoyu do hiri'd Kiim ku dit Olidang, om a' ku indo kopio iyokoyu tongkiadan.

Om boros kad TUHAN, “Kada' kou pomonsoi'd tingolig, om kada' kou popoingkakat do tininganak om torigi'd watu di kinikiran do maan do tukuon. Tu' iyoho' no o TUHAN, i Kinorohingan dokoyu.

Om ogumu' tomod nondo o tomot dokoyu gisom do koromut do sontoun. Om gisom do taamon pondo dokoyu i noolu' di nomot dit id gulu om haro i' o poiyanan di wagu koomot.

om limo nopo dokoyu nga' kaala' no do hatus o tulun, om hatus no om kaala' i' do hopod noribu o tulun.

Om a' indo aayi-ayi' o tua' di tanom-tanom di hiri'd tana' dokoyu, gisom dot orikot nopo i kopongupuan dokoyu'd tua' dot anggur, om maso po dokoyu do mongomot do gandum. Om tontok nopo dit orikot no o kapananaman do gandum, om maso po dokoyu do mongupu' do tua' dot anggur. Om kabagal kasai' indo dokoyu o taakanon dokoyu, om osimbayan kou do mongiyon-ngiyon dot id pomogunan dokoyu.

Angaala' indo dokoyu i pisangod dokoyu

Ramayon no dokoyu i piro-piro o tadau dot agayo do tugama', om pusohon no i tiyonon do sumambayang dot id doho'. Tu' iyoho' no o TUHAN.