Popular Bible Verses from OTURAN 19

Share

Kada' kou suli' dot isai nopo o tulun, om kada' kou popoopi' do karaatan dokoyu dot id tulun diri, suwai ko' kosianai kou nod tulun do suwai do miagal dot osianan kou do dokoyu'd tinan. Tu' iyoho' no o TUHAN.

om kada' kou pamapak do tinan dokoyu, om kada' kou pinsuhat do tinan dokoyu do tontok do mogihad di tulun do napatai. Tu' iyoho' no o TUHAN.

do popoboros dot id tulun dot Israil do boros do poingkaa, “Kolidang kou no, tu' iyoho' nopo, i TUHAN, i Kinorohingan dokoyu, om olidang i'.

Kada' kou poopi' do katagadan dokoyu dot id isai nopo o tulun. Salasayon nogi' dokoyu di tulun diri i katagadan dokoyu'ddi, om a' kou i' kowonsoi'd dusa dot i tulun diri o kobungou.

Kada' kou ongoi pokinosihat do tulun di momolohou do rusod do tulun di napatai. Tu' ondung mongoi kou, om atantu' nod ososomu' kou. Tu' iyoho' no o TUHAN, i Kinorohingan dokoyu.

Kada' kou popimboros do boboroson dit a' otopot do pasal dot isai nopo o tulun. Ondung manantu' do kosunsudon di tulun i kopomisaraan dau, do posion tuu ko' patayon po iyau, om mungkomi kou no, ondung kotulung no dau i dokoyu'd poboroson. Tu' iyoho' no o TUHAN.