Popular Bible Verses from KOIHADAN 1

Share

Oingou noddi o Yorusalim do baino', i bandar di noponu' daa'd tulun di gulu po. Abantug tomod daa iyau dot id pogialatan do bansa', nga' miagal poddi iyau do tondu' di nopuadan do baino'. I bandar do poinggoyoon daa di gulu po, nga' porintaon noddi do bansa'd suwai do baino'.

Monuaban nopo iyau do mihad; lumuyung po o romou dau dot id pingas dau. Aiso' no o tiso' di tambalut kopio dau di gulu po do monginsasamod dau. Naakalan iyau di tongotambalut dau, om oinsanan nopoddi iyolo' do sumaap dau do baino'.

Antangai oku no, oi TUHAN, mihad oku po om tumongob oku, om norualan o ginawo ku do gama' di dusa ku. Mogipapatai poo o hilo'd karalan-ralanan, om id suang piya do walai nga' haro i' o kapatayon.