Popular Bible Verses from YOHOSKIOL 34

Share

Om ihumon ku nondo i nangatagak, om pogulion ku i nangapalid, om rilitan ku i nongosuhat, om ubatan ku i kitoruol; nga' iri nopo it ongolomu' om ongokoris om patayon ku no, tu' iyoho' nopo om gompomogompi' i' dit osonong.

Do miagal di pomogompi' di gompomogompi'd dumba', di dumba' dau, om i pogigihum dau di dumba' dau di nokotompias gisom do notimung iddi kawagu dau iri.

Boros kad TUHAN, it Asawat Kopio, “Iyoho' nondo o mogihum di dumba' ku om iyoho' o momogompi' diyolo'.

Om iyoho' nondo o gompomogompi' di dumba' ku, om pogihuman ku iyolo' do tiyonon. Iyoho' no i TUHAN, it Asawat Kopio, o minomoros diti.

Iyokoyu no kopio i dumba' ku, om i baanan do sumadon ku. Om iyokoyu no o tulun ku, om iyoho' o Kinorohingan dokoyu. Iyoho' no o TUHAN, it Asawat Kopio, o minomoros diti,” ka dau.

“Oi tulun, pasalaon ngai' no i raja' dot Israil. Om sunudan no iyolo' diti poboroson ku, iyoho' i TUHAN it Asawat Kopio, dot id diyolo', ‘Nobungou kou no, iyokoyu i gompomogompi' dot Israil! Tu' gompion i' dokoyu o tinan dokoyu nga' a' kou i' insan do momogompi' di dumba' dokoyu.