Popular Bible Verses from YOHOSKIOL 18

Share

A' oku i' orohian do haro ot ongoiso' piya'd tulun dot apatai. Tongkiadai ngai' no dokoyu i dusa dokoyu, om apasi kou i'. Iyoho' no, i TUHAN it Asawat kopio, o minomoros diti,” ka dau.

Isai nopo o tulun di momonsoi'd dusa om iri no ot apatai. A' i' apatut do mamabo' i tanak do kootuson di dusa di tapa' dau, om i tapa' nga' a' i' apatut do mamabo do kootuson di dusa di tanak dau. Tu' tulun nopo dit osonong om somulian no dot osonong tu' minomonsoi i' iyau dit osonong. Om tulun no dit araat om oinggorit no tu' araat i' o winonsoi dau.

Tingkadai ngai' no dokoyu o koinsanai dit araat di pingwonsoyon dokoyu, om pologoson no do koinwagu o pomusorou om ginawo dokoyu. Nokuro toi tu' uhang dokoyu'd matai kou?

Ondos nu daa om orohian kopio oku iyoho' i TUHAN, it Asawat Kopio, do kokito di tulun dot araat dot apatai? A' oku i' kopio orohian! Tu' orohian oku nogi' kopio do kokito dau do tumongkiad di dusa dau om apasi i' iyau.

Ondung tumingkod do momonsoi'd dusa i tulun dot araat, om tumanud nondo dit oturan ku, om ondung momonsoi nondo iyau dit otopot om osonong, om a' no iyau apatai.

Mumboyo' i' iyau do ponuhuan ku om tumanud dit oturan ku. Om tulun no do miagal diri ot otulid o ginawo om apasi. Iyoho' no i TUHAN it Asawat Kopio, o minomoros diti.