Popular Bible Verses from DANIOL 9

Share

Om sambayang oku no dot id TUHAN, i Kinorohingan ku om okuno' ku no i dusa do bansa' ku. Boros kangku, “Oi TUHAN, i Kinorohingan, iya' nopo om agayo i', om pusohon dahai iya'. Om otorodok ko dot id tumpongo nu om pointalang ko do kosianan nu dit aiso' o kopupuson dot id tulun dit osianan diya' om i momonsoi do ponuhuan nu.

Pokinongoho' no iyahai, oi Kinorohingan; antangai no iyahai, om antangai no iti kosusaan dahai om i koinggoritan di bandar di pinungaranan do ngaran nu. Sumambayang iyahai dot id diya' tu' oilaan i' dahai dot obinsianan ko, om okon i' ko' mantad do kosonongo' do winonsoi dahai o poimpahan nu'd kosianan nu. Oi TUHAN, pokinongoho' no iyahai, om ompunai no iyahai om wonsoyo' no kopio'd oruhai it apatut nu'd wonsoyon. Kada' kalaid, om koilo ngai' indo o tulun dot iya' no o Kinorohingan. Tu' diya' i' di bandar diri om diya' di tulun,” kangku.

Om sambayang oku noddi dot id TUHAN i Kinorohingan, do mikuwo'd aayi-ayi' kopio o ginawo ku om mokiinsian kopio oku dau, om puasa oku, om minanampakai oku'd pakayan do mogihad, om minirikau oku do hiri'd pupuk.

Nga' obinsianan ko i' om obingampun ko do mulong piya do suminaap daa iyahai diya'.

Om haro nondo o piumpangaan do pomorinta' diti, dit ogirot kopio dot id tulun dot ogumu', do solinaid do turu' o toun, om piintangaan nopondod maso'ddi, om tingkodon nondo dau o porsombahan di sumbolion om i piro-piro o porsombahan di suwai. Om poiyonon nondo i Karaaton di Mamaraag, do hiri'd Walai'd Sasambayangan dot Agayo, om hiri kasai' nondo iri do gisom pod orikatan do kapatayon di natantu' mantad do Kinorohingan i pinopoiyon diri do hiri,” ka dau.