Popular Bible Verses from DANIOL 3

Share

Om boros kad Sadrak, om i Misak, om i Abidnigo, do suminimbar, “Oi Tuan Raja', a' i' iyahai mumbal do popotopot do tinan dahai. Ondung milo i Kinorohingan di tukuon dahai do mamasi dahai do mantad id tapui di molob-ngolob diri, om mantad id kuasa' nu, om atantu' no do wonsoyon i' dau o miagal diri. Nga' mulong piya dot a' dau wonsoyon o miagal diri, nga' ilaai no oi Tuan Raja', dot a' i' kopio iyahai tumuku' dot id kinorohingan nu, om a' iyahai tumuku' di tininganak do tamas di pinoingkakat nu,” ka diyolo'.

Om boros ka di raja', “Nga' nokuro tu' apat o tulun dot okito ku do sampanau-panau do hilo'd tanga' dilo tapui? Om a' i' iyolo' kinagasan, om miagal dit a' i' iyolo' orualan! Om ilo no kaapat om miagal-agal do kinorohingan o kokitanan,” ka dau.

Om boros ka di raja', “Royohon no i Kinorohingan do tukuon di Sadrak, om i Misak, om i Abidnigo! Tu' sinuhu' dau i moloikat dau do minongoi pamasi di tolu o susuhuon dau di monongkuyaan dau. Kada' nopo iyolo' umboyo' di nisuhu' ku tu' pinokouhang no diyolo' dot apatai o tinan diyolo' ko' modsubak po om tumuku' dot id kinorohingan do suwai ko' i diyolo'd Kinorohingan.

Om dinondo nodti om poboroson ku dot ondung haro o songulun do mantad id nunu nopo o pomogunan, ko' bansa', om boros, do mongindaraat do Kinorohingan di tukuon di Sadrak, om i Misak, om i Abidnigo, om pogitobilang-bilangon nopondo o tinan dau, om huyason o walai dau do gisom dot osiliu pondo do kinotimungon do kinaraagan. Tu' aiso' no o kinorohingan do suwai di milo do mamasi do miagal diti,” ka dau.