Popular Bible Verses from DANIOL 12

Share

Om mogulinau ngai' nopondo i boyoon dit ongoilo do miagal pod kanawaho' do tawan. Om iri tulun di minonuduk do piro-piro o tulun do momonsoi'd otopot om it otulid nga' mogulinau nondo do miagal do rombituon do gisom dot alaid,” ka dau.

Om ogumu' nondo i nangapatai no dot apasi kawagu; haro nondo o kaanu do koposion dit aiso' o kopupuson om haro o kaanu do kointingayaman dit aiso' o kopupuson.

Om boros ka kawagu di moloikat di kipakayan dot opurak, “Tontok nopondod maso'ddi om mimbulai nondo i Mikail, i moloikat dot agayo'ddi, om i mongintirung do bansa' nu. Om haro nondo o maso do kosusaan dit araat no kopio, om aiso' no o koiyo'ddi do mantad di timpuun i' do haro o bansa' dot agayo. Om orikot nopondo o maso'ddi om apasi indo i tulun di mantad id bansa' nu, i nongkotulis o ngaran do hiri'd buuk do Kinorohingan.

Om ogumu' nondo o tulun dot olidangan. Om iri nopondo it angaraat om a' i' kosuhut, om tumilombus nopo iyolo' do momonsoi dot araat; iri no i milo'd momusorou o kosuhut.