Popular Bible Verses from Winonsoi Di Rasu 2

Share

Om boros ka di Pitrus do suminimbar, “Rumologo kou no di dusa dokoyu. Om mokibatis ngai' kou no dot id suang do ngaran di Yesus Kristus, om ongoompunan i' o dusa dokoyu. Om kaanu kou indo do Rusod do Kinorohingan, i popuhawangon do Kinorohingan.

Om ongotorodok iyolo' do mokituduk kasai' di piro-piro rasul om tumimung kasai' iyolo'. Om mogitotorungak iyolo'd makan, om mogiaamung do sumambayang.

Om koporinta' ngai' nopo iyolo'd Rusod do Kinorohingan. Om timpuun noddi iyolo' do mimboros do mogisuayan o bansa'd boros. Om mimboros nopo iyolo' do tumanud di boros do pinatahak di Rusod diri dot id diyolo'.

Om sigog id korongou diyolo' o tuni do mantad hilo'd tawan do miagal do tongus dot opuhod kopio o karangahan. Om koponu' nopo i walai di niyonon diyolo' do tuni'ddi. Om kokito no diyolo' o piro-piro koiyo-iyo'd binandak do tapui di koiyo-iyo'd dila' do tuminikid do minongoi timpak do tulu diyolo'. Om koporinta' ngai' nopo iyolo'd Rusod do Kinorohingan. Om timpuun noddi iyolo' do mimboros do mogisuayan o bansa'd boros. Om mimboros nopo iyolo' do tumanud di boros do pinatahak di Rusod diri dot id diyolo'.

Om monikid tadau nopoddi iyolo' do tumimung do hiri'd Walai'd Sasambayangan dot Agayo, om mogitotorungak do makan do hiri'd walai diyolo', om ongotood ngai' iyolo' om ongosiriba' o ginawo. Om mamarayou kasai' nopo iyolo'd Kinorohingan. Om asanangan ngai' nopo o tulun diyolo'. Om monikid tadau nopo dot oruhangan o ginumu' diyolo', tu' onuan i' iyolo'd Tuhan do tulun di posion do Kinorohingan.

Boros kad Kinorohingan, ‘Oruhai nopondod kopupuson diti pomogunan, om potuntugon ku nondo o Rusod ku dot id koinsanai'd tulun. Om i tangaanak dokoyu'd tongokusai om i tangaanak dokoyu'd tongoondu' nga' momisunud nondo dokoyu do koinsanai di posunudon ku dot id diyolo'. Om i tulun dit ongomulok po nga' kokito nondo do pinointalang om i kongomolohingan dokoyu nga' mongipi nondo di poipian ku diyolo'.

Mogiuulud kasai' nopoddi i tulun di nongotumbayaan diri, om sogiaan nopo diyolo' o nunu nopo o haro dot id diyolo'. Om sorompori-pori nopoddi iyolo' do papadagang di piro-piro o konunu-nunuan om i dapu' diyolo', om pogibohogi-hogion nogindo diyolo' i tusin do gatang diri do tumanud do kogunaan do pointikid-tikid diyolo'.

Om tontok nopondoddi om posion indo i tulun di lumohou do Tuhan,’ ka.

Om ilo tadau nga' tumuong nondo, om ilo tadau nga' rumagang do miagal do raha' dit a' po orikot o Tadau do Tuhan, i Tadau dit agayo om i kikagayaan.