Popular Bible Verses from Winonsoi Di Rasu 16

Share

Om boros ka di Paulus om i Silas do suminimbar, “Kotumbayaai nod Tuhan Yesus, om apasi ko i' om koinsanai'd tulun di hiri'd walai nu!” ka.

Om di nopoddi pitangatuong no doti'ddi, om maso di Paulus om i Silas do sumambayang om modsinding do mamarayou'd Kinorohingan. Om i tulun do suwai di songinggiil nga' mokinongou diyolo'd modsinding. Om sigog id guyu' o tana' dot opuhod kopio, gisom do noguyu' i pinawaalan di giil. Om koiwangai ngai' nopo i wawayaan di giil om i rantai di pinamarangkap ngai' di tulun di songinggiil nga' kalangkang ngai' nopo.

Om angatai noddi dau iyolo' do sumoliwan, om boro-boros no iyau'd poingkaa, “Oi tuan, nunu ot apatut ku'd wonsoyon om apasi oku i'?” ka.

Om koposik noddi i boyoon di madtatamong di giil do nokotigowo. Om tontok di nokito dau do noiwangan ngai' i wawayaan di giil, om kodongo' nopo dau i gayang dau do kumiros daa tu' osorou nopo dau om nongkopoggidu' ngai' no i tulun di songinggiil. Nga' pomolohou no i Paulus dot opuhod do poingkaa, “Kada' kiros! Hiti ngai' i' iyahai'dti!” ka dau.