Popular Bible Verses from 2 KORINTUS 5

Share

Tulun nopo di nokoiso' dot id Kristus, om nosiliu no kopio'd tulun do wagu. Iri nopo i laid om natanus noddi kopio om nosiliu ngai' nori do wagu.

Kristus nopo om aiso' i' o dusa, nga' sinuhu' i' iyau'd Kinorohingan do minamabo do koinsanai do dusa toko'. Om koulud toko' i' kawagu dot id Kinorohingan tu' nokoiso' toko' no dot id Kristus.

Tu' pinoimpahan nopo do koposion dahai om i kotumbayaan dot id Kristus, om okon i' ko' pinoimpou dit okito

Om koinsanai'ddi om Kinorohingan ngai' i' o minomonsoi. Om pinoulud toko' no kawagu do Kinorohingan dot id dau dot i Kristus o pinopoulud. Om suhuo' toko' noddi do Kinorohingan do kumaraja' om koulud indo i tulun do suwai dot id Kinorohingan. Om popinsusuyon dahai do pinoulud kawagu do Kinorohingan o tulun dot id dau do Kristus o pinopoulud. Om wonsoyo' nopoddi do Kinorohingan o miagal diri om a' no dau sinorou i kasalaan di winonsoi do tulun dot id dau. Om sinuhu' iyahai'd Kinorohingan do popinsusui di habar diri.

Om iyahai noddi o susuhuon do Kristus. Om iyahai no o pakayon do Kinorohingan do popolombus di boros dau do miagal dot iyau kopio o popolombus. Om pokionuon kopio'ddi dahai dot id suang do ngaran do Kristus dot umboyoon dokoyu iti lolohou do Kinorohingan di milo do popoulud dokoyu dot id dau.

Napatai no o Kristus do suminowoli do koinsanai'd tulun om iri nondo i tulun di poimpasi nga' okon nondo ko' dau di koposion do tumanud di dau'd korohian, suwai ko' dong Kristus nod koposion dau, i Kristus di napatai om i pinasi kawagu do maan do koinsanangan diyolo'. Om a' noddi iyahai mongilo do kowoyo-woyoon do tulun do tumanud di don tulun do pongingilo. Tu' mulong piya do nokoumbal iyahai do mongilo do kowoyo-woyoon do Kristus do tumanud di don tulun do pongingilo nga' baino' nopoddi om a' noddi iyahai momonsoi do miagal diri.

Kosianan nod Kristus o momorinta' dahai om oilaan no dahai dot ondung napatai o tiso' o tulun do suminowoli do koinsanai'd tulun om komoyon nopoddi om oinsanan no o tulun do napatai.