Popular Bible Verses from رومیلار 6

Share

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

شُندا گونَه سیزه اُز حُکومینی یُریتمِز، سِبَبی سیز شِریغاتینگ ایختییاریندا دَل-ده، مِرحِمِتینگ ایختییارینداسینگیز.‏

هاووا، بیز تَعمید بِریلمِگینگ اوستو بیلِن مسیح بیلِن اُلوپ، جایلاندیق.‏ شُنگا گُرَه-ده، آتانینگ بِییک قودراتینینگ اوستو بیلِن مسیحینگ اُلومدِن دیرِلیشی یالی، بیز هِم تَزه یاشایشا اِیه بُلوپ بیلِریس.‏

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

موندان بِیلَک گونَه‌نینگ قولی بُلماز یالی، بیز کُهنه طِبیغاتیمیزینگ عیسی مسیح بیلِن صلیبه چویلِنِندیگینی بیلیَریس و ایندی گونَه‌نینگ قولّوغیندان بُشاندیق.‏

شُنگا گُرَه-ده، سیز هِم اُزونگیزی گونَه گُرَه اُلی، اِمّا عیسی مسیح بیلِن بیرلِشِندیگینگیز سِبَپلی خودایا گُرَه دیری حاساپلانگ.‏

اُندا نَمه، خودای اُز مِرحِمِتینی بیزه کَندِن-کَن گُرکِزسین دییّپ، گونَه اِدیبِرمِلیمی نَمه؟ اِلبِتّه، یُق!‏ بیز گونَه باباتدا اُلدوک آخیرین.‏ اُنسُنگ نَهیلی گونَه ایچینده یاشاپ بیلِریس؟

اُندا سیز اُزونگیزی کیمینگ موطیع‌لیغینا تابشیرسانگیز، شُنونگ-دا قولونا اُورولیَندیگینگیزی بیلمِیَنگیزمی نَمه؟ اُلومه اِلتیَن گونَه‌نینگ قولی، یا-دا تاقوالیغا اِلتیَن موطیع‌لیغینگ قولی بُلوپ بیلِرسینگیز.‏

هاووا، سیز گونَه‌نینگ قولودینگیز، یُنه خودایا شوکور، قابول اِدِن تَعلیماتینگیزا یورِکدِن موطیع بُلدونگیز، گونَه‌نینگ ایختییاریندان آزاد اِدیلیپ، تاقوالیغینگ قول‍لاری بُلدونگیز.‏