Popular Bible Verses from رومیلار 14

Share

چونکی خودایینگ پادیشاهلیغی اییمِک-ایچمِک دَل-ده، مُقادِّس روحونگ ناغمات بِریَن تاقوالیغی، پاراحاتلیغی و شاتلیغیدیر.‏ کیم عیسی مسیحه شِیله خیدمات اِدیَن بُلسا، خودایی خُشنود اِدیپ، آداملارینگ طارافیندان هِم قابول اِدیلِر.‏

یاشایان بُلساق، مسیح اوچین یاشایاندیریس، اُلیَن بُلساق، مسیح اوچین اُلیَندیریس.‏ شُنگا گُرَه، یاشاساق-دا، اُلسِک-ده، مسیحه دِگیشلیدیریس.‏

شُنونگ اوچین-ده، پاراحاتلیغا و بیری-بیریمیزی ایماندا گویچلِندیرمَگه یاردیم اِتجِک ایشلِری اِتمَگه چالیشایلینگ.‏

شُنگا گُرَه-ده، بیری-بیریمیزی عاییپلامایلینگ.‏ قایتام، اِرکِک یا-دا آیال دُغانیمیزینگ بودوریپ، ییقیلماغینا سِبَپ بُلایجاق حِرِکِتلِردِن ساقلانماغینگ فیکرینی اِدِیلینگ.‏

چونکی مُقادِّس یازغیلاردا شِیله یازیلاندیر:‏ ‏«‏تانگری:‏ ‏”‏اُز یاشاییشیمدان قاسام ایچیَرین، هِر بیر دیز اُوومده اِپلِنِر و هِر بیر دیل مِنی تاصدیقلار“‏ دییَّر.‏»‏ هاووا، هِر بیریمیز خودایینگ اُوونده اُزومیز اوچین جُغاپ بِرِریس.‏

ایماندا قاوشاق بُلان آدامی قابول اِدینگ.‏ یُنه فیکرلِری حاقدا اُنونگ بیلِن جِدِلِّشمَنگ.‏

باشغا بیرینینگ خیدماتکَرینی عاییپلار یالی سِن کیم؟ خیدماتکَرینگ اُزونه تابشیرلانلاری بِرجای اِدیپ-اِتمَندیگینی دینگه اُنونگ آقاسی بِلّی اِدیَندیر.‏ یُنه خیدماتکَر اُزونه تابشیرلانلاری بِرجای اِدیپ بیلِر، سِبَبی اُنونگ آقاسی عیسی مسیحدیر، اُل خیدماتکَرینی قوواتلاندیرماغی باشاریاندیر.‏