Popular Bible Verses from رومیلار 12

Share

بو دونیَه‌نینگ یُل‍لارینا مِنگزِشجِک بُلمانگ.‏ تِرسینه، فیکرلِرینگیزی تَزه‌لَپ، اویتگِدینگ.‏ شِیتسِنگیز، خودایینگ ایسلِگینه دوشونمِگی، یَعنی نَمه زات قاوی، حالایانی و کَمیلدیگینی بیلمِگی باشارارسینگیز.‏

شُنگا گُرَه-ده، اِی عزیزلِر، خودایینگ مِرحِمِتینینگ خاطیراسی اوچین سیزه یالباریارین:‏ اُزونگیزی اُنونگ حالاجاق دیری و مُقادِّس قربانلیغی حُکمونده هُدورلَنگ.‏ شِیتسِنگیز، خودایینگ حوضوریندا میناسیپ یُلدا خیدمات اِتدیگینگیز بُلار.‏

اومیدینگیزینگ باردیغینا بِگِنینگ، قینچیلیقلارا جیداملی بُلونگ و دُغا-دا قاییم دورونگ.‏

یامانلیق سِندِن اوستون چیقماسین، تِرسینه، یاخشیلیق اِدیپ، یامانلیقدان اوستون بُل.‏

بیری-بیرینگیزی خودایینگ سُیگوسی بیلِن تویس یورِکدِن سُیونگ.‏ بیری-بیرینگیزی حُرماتلاپ، باشغالاری اُزونگیزدِن یُقاری توتونگ.‏

سُیگینگیز ایکی‌یوزلی بُلماسین.‏ یامانلیغی ییگرِنیپ، یاخشیلیغا قاتی یاپیشینگ.‏

باشاردیغینگیزدان هِمّه‌لِر بیلِن پاراحاتلیقدا یاشاجاق بُلونگ.‏

اِی عزیزلِریم، اُزونگیز اِنتِقام آلجاق بُلمانگ، مونی خودایا تابشیرینگ.‏ سِبَبی خودای:‏ ‏«‏اِنتِقام مِنینگکیدیر، جِزالاندیرجاق مِندیرین»‏ دییَّر.‏

ایخلاصینگیز قاوشاماسین، مُقادِّس روحونگ بِریَن قایراتی بیلِن خودایا خیدمات اِدینگ.‏

اُزومه بِرلِن مِرحِمِتدِن پِیدالانیپ، سیزینگ هِمَّه‌نگیزه شولاری دییَّرین:‏ اُزونگیزی یُقاری توتمانگ.‏ تِرسینه، خودایینگ هِر کیمه بِرِن ایمانینا گُرَه اُزونگیز باباتدا حاقیقی دوشونجِلی بُلونگ.‏

یامانلیغینگ دِرِگینه هیچ کیمه یامانلیق اِتمَنگ، تِرسینه، هِمّه‌لِرینگ حالایان یاخشیلیغینی اِتمَگه چالیشینگ.‏

بیری-بیرینگیز بیلِن اُنگشوقلی بُلونگ.‏ مَغرور بُلمانگ، یُقسیز آداملار بیلِن دُست بُلونگ، اُزونگیزی بِیلِکیلِردِن عاقیلّی سایمانگ.‏

قایتام مُقادِّس یازغیلاردا یازیلانلاری بِرجای اِدینگ:‏ ‏«‏دوشمانینگ آچ بُلسا، اُنگا اییمیت بِر، سوسان بُلسا، سو بِر.‏ شُندا اُنونگ باشینا یاخلی سو قویورسینگ.‏»‏

اُزونگیزه آزار بِریَنلِره لَعنِت اِتمَنگ، تِرسینه، اُلار اوچین بِرِکِت دیلَنگ.‏ شاتلانیانلار بیلِن شاتلانینگ، آغلایانلار بیلِن آغلانگ.‏

ایماندارلار مَحتَجلیک چِکسه، اُلارا کُمِک بِرینگ، میهمانسُیِر بُلونگ.‏

بِدِنیمیزی میثال حُکمونده آلایلینگ:‏ اُل بیر بُلسا-دا، ‌اعضالاری کَندیر و هِر بیرینینگ-ده اُز ایشی باردیر.‏ بیز باباتدا هِم شِیله:‏ کَن بُلساق-دا، مسیحینگ اوستو بیلِن بیر بِدِندیریس، اُنونگ ‌اعضالاری حُکمونده بیری-بیریمیزه باغلیدیریس.‏