Popular Bible Verses from یوحنا 21

Share

اُلار صُبحانا اییّپ بُلانلاریندان سُنگ، عیسی شمعون پِطرُسدان:‏ ‏«‏اِی یونانینگ اُغلی شمعون، سِن مِنی بولاردان کَن سُییَرسینگمی؟»‏ دییّپ سُرادی.‏ شمعون اُنگا:‏ ‏«‏هاووا، اِی آقام، سِنی سُییَندیگیمی اُزونگ بیلیَنسینگ»‏ دییدی.‏ عیسی اُنگا:‏ ‏«‏قوزولاریمی اییمله»‏ دییدی.‏ عیسی ایکینجی گِزِک اُندان یِنه:‏ ‏«‏اِی یونانینگ اُغلی شمعون، سِن، حاقیقاتدان هِم، مِنی سُییَرسینگمی؟»‏ دییّپ سُرادی.‏ اُل هِم عیسی:‏ ‏«‏هاووا، اِی آقام، سِنی سُییَندیگیمی اُزونگ بیلیَنسینگ»‏ دییّپ جُغاپ بِردی.‏ عیسی اُنگا:‏ ‏«‏قُیونلاریمی باق»‏ دییدی.‏ عیسی یِنه-ده اُندان:‏ ‏«‏اِی یونانینگ اُغلی شمعون، مِنی سُییَرسینگمی؟»‏ دییّپ، اوچونجی گِزِک سُرادی.‏ عیسانینگ ‏«‏مِنی سُییَرسینگمی؟»‏ دییّپ اوچونجی گِزِک سُرانی اوچین، پِطرُس ناراحات بُلدی.‏ اُل عیسی:‏ ‏«‏اِی آقام، سِن هِمّه زادی بیلیَنسینگ، سِنی سُییَنیمی-ده بیلیَنسینگ»‏ دییدی.‏ عیسی اُنگا:‏ ‏«‏قُیونلاریمی اییمله.‏

مِن سانگا دُغروسینی آیدیارین، یاشقانگ اُزونگ بیلینگی قوشاپ، ایسلَن یِرینگه گیدیَردینگ.‏ اِمّا قارّییاندا، اِل‍لِرینگی اوزادیپ دورانسینگ، سِنی باشغا بیری بیلینگی قوشاپ بِریپ، ایسلِمِیَن یِرینگه آلیپ گیدِر»‏ دییدی.‏

عیسی اُلارا:‏ ‏«‏تُرونگیزی قاییقینگ ساغ طارافینا زینگینگ، توتارسینگیز»‏ دییدی.‏ اُلار تُری ساغ طارافا زینگدیلار و شِیله بیر کَن بالیق توتدولار، حتّیٰ بالیغینگ کَنلیگیندِن یانگا تُری چِکیپ چیقاریبام بیلمِدیلِر.‏

شمعون پِطرُس اُلارا:‏ ‏«‏مِن بالیق توتماغا گیدیَرین»‏ دییدی.‏ اُلار-دا:‏ ‏«‏بیز هِم سِنینگ بیلِن گیتجِک»‏ دییدیلِر-ده، قاییقا مینیپ گیتدیلِر، یُنه شُل گیجه هیچ زات توتوپ بیلمِدیلِر.‏