Popular Bible Verses from ཡེ་ཤ་ཡཱ 6

Share

དེ་ནས་དཀོན་མཆོག་གིས་ངས་སུ་མངགས་པར་བྱ། ང་ཚོའི་བང་ཆེན་སུས་བྱེད་ཅེས་བཀའ་གནང་བ་ངས་ཐོས་བྱུང། དེ་ནས་ངས་ང་འགྲོ་གི་ཡིན། ང་གཏོང་རོགས་གནང་ཞུས་པ་ཡིན།

དེ་ཚོ་གཅིག་གིས་གཅིག་ལ་། དམ་པ་དམ་པ་དམ་པ་། ཀུན་དབང་ཅན་གྱི་གཙོ་བོ་དཀོན་མཆོག་དམ་པ་ཡིན། ཁོང་གི་གཟི་བརྗིད་ཀྱིས་འཛམ་གླིང་ཡོངས་སུ་ཁྱབ་བོ་ཅེས་སྨྲ་བཞིན་འདུག་གོ།

ངས་སྨྲས་པ་ཡིན། ང་ལ་རེ་བ་གང་ཡང་མེད། ང་འཇིགས་ནས་ཡོད། གང་ལ་ཟེར་ན། ངའི་མཆུ་ལྟོ་ནས་ཐོན་པའི་ཚིག་རེ་རེ་བཞིན་སྡིག་ཅན་ཡིན་པ་དང་ང་མི་མང་སྡིག་ཅན་གྱི་ཚིག་རེ་རེ་ཤོད་མཁན་གྱི་ཁྲོད་དུ་བསྡད་ཡོད་དོ། ཡིན་ན་ཡང་ངའི་མིག་གིས་རྒྱལ་པོ་ཀུན་དབང་ཅན་གྱི་གཙོ་བོ་དཀོན་མཆོག་ཁོང་ལ་མཇལ་བྱུང་ངོ།

རྒྱལ་པོ་ཨུ་ཛི་ཡཱ་གྲོངས་པའི་ལོ་དེ་ལ་གཙོ་བོ་དཀོན་མཆོག་བཞུགས་ཁྲི་མཐོ་པོ་སྨད་དུ་བྱུང་བའི་སྟེང་བཞུགས་ཡོད་པ་དང། ཁོང་གི་ན་བཟས་མཆོད་ཁང་ཆ་ཚང་ཁེངས་ཡོད་པ་ངས་མཇལ་བྱུང།

ཁོང་གིས་མེ་འབར་བཞིན་པའི་སོལ་ལ་དེ་ངའི་མཆུ་ལྟོར་རེག་ནས་སྨྲས་པ། འདིས་ཁྱོད་ཀྱི་མཆུ་ལྟོར་རེག་ཡོད་པ་དེས་ཁྱོད་ཀྱི་ཉེས་པ་སེལ་ཡོད། ཁྱོད་ཀྱི་སྡིག་པར་བཟོད་གསོལ་མཛད་ཡོད་ཅེས་གསུངས་བྱུང།

ཁོང་གི་མཐའ་འཁོར་དུ་སེ་རཕེ་རྣམས་ལངས་ཡོད་པ་དང་དེ་ཚོ་རེ་རེར་ཤོག་པ་དྲུག་དྲུག་འདུག དེ་ཚོ་རེ་རེས་ཤོག་པ་གཉིས་ཀྱིས་རང་གི་གདོང་བཀབ་པ་དང་གཉིས་ཀྱིས་གཟུགས་བཀབ་པ་དང་གཞན་གཉིས་པོ་དེས་འཕུར་བཞིན་འདུག

དེ་ནས་སེ་རཕེ་གཅིག་གིས་སྐམ་པས་མཆོད་ཁྲིད་ནས་མེ་འབར་བཞིན་ཡོད་པའི་སོལ་ལ་འཁྱེར་ཡོང་ནས་ངའི་སར་འཕུར་ཡོང་ངོ།

དེ་འདྲ་སོང་ཙང་ཁོང་གིས་ང་ལ་སོང་ནས་མི་ཚོར་འཕྲིན་འདི་ཤོད་ཅིག ཁྱོད་ཚོ་ཇི་ལྟར་ཉན་རུང་རྟོགས་མི་ཐུབ། ཁྱོད་ཚོས་ཇི་ལྟར་བལྟ་ཡང་གང་བྱུང་ཡོང་བ་ཤེས་མི་ཐུབ་ཅེས་བཀའ་གནང་བྱུང།

དེ་ནས་ཁོང་གིས་ང་ལ་མི་རྣམས་ཀྱི་རིགས་པ་གླེན་པ་དང་དེ་ཚོའི་རྣ་བ་འོན་པ་དང་མིག་ལོང་བ་བཟོས་ཤིག དེ་མིན་དེ་ཚོས་མཐོང་བ་དང་ཐོས་པ་དང་རྟོགས་པ་དང་དེ་ཚོ་ངའི་ཕྱོགས་སུ་སྒྱུར་ནས་གསོ་བར་འགྱུར་ཞེས་བཀའ་གནང་བྱུང།