Popular Bible Verses from यशैया 9

Share

हाम्रा निम्‍ति एउटा बालक जन्‍मेका छन्! हामीलाई एउटा पुत्र दिइएको छ! उनले हामीमाथि राज्‍य गर्नेछन्। उनको नाम “उदेकका सल्‍लाहकार,” “पराक्रमी परमेश्‍वर,” “सनातनका पिता,” “शान्‍तिका राजकुमार” हुनेछ।

अन्‍धकारमा हिँड्डुल गर्ने मानिसहरूले एउटा ठूलो ज्‍योति देखेका छन्। तिनीहरू अन्‍धकारको देशमा बास गर्थे तर अब तिनीहरूमाथि ज्‍योति चम्‍केको छ।

उनको राज्‍य-शक्ति बढिरहनेछ, उनको राज्‍यमा सधैँ शान्‍ति रहनेछ। दाऊद राजापछि आउने राजा उनी नै हुनेछन्। न्‍याय र धर्ममा खडा भई अबदेखि उसो सदाका निम्‍ति उनले राज्‍य गर्नेछन्। सर्वशक्तिमान् परमप्रभुले आफ्‍नो जोशमा यी सबै गर्नुहुनेछ।

आक्रमण गर्ने सेनाले लाएका जुत्ता र रगत लागेका वस्‍त्र आगोमा भस्‍म हुनेछन्।

यो सङ्‌कष्‍टको समयबाट भाग्‍ने कुनै बाटो तिनीहरूको निम्‍ति हुनेछैन। एक चोटि जबूलून र नप्‍ताली कुलहरूका देशको अपमान भएको थियो तर भविष्‍यमा त्‍यस इलाकाको इज्‍जत हुनेछ। भूमध्‍य सागरदेखि पूर्वपट्टि यर्दनपारिका भूमि र गालीलसम्‍म, जहाँ विदेशीहरू बास गर्दछन्, त्‍यस देशको आदर गरिनेछ।

हे परमप्रभु, तपाईंले तिनीहरूलाई ठूलो आनन्‍द दिनुभएको छ। तपाईंले तिनीहरूलाई प्रसन्‍न गराउनुभएको छ। मानिसहरू अन्‍न बटुल्‍दा वा लुटका धन बाँड्दा जसरी रमाउँछन्, त्‍यसरी नै तपाईंले गर्नुभएको काममा तिनीहरू रमाउँछन्

किनभने तपाईंले तिनीहरूका काँधमा परेको बोझको जूवा र आङमा पर्ने लौरो भाँचिदिनुभएको छ। धेरै दिनअघि मिद्यानका सेनालाई हराउनुभएझैँ तपाईंले आफ्‍नो प्रजालाई अत्‍याचार र थिचोमिचो गर्ने राष्‍ट्रलाई हराउनुभएको छ।