Popular Bible Verses from उपदेशक 11

Share

ए युवाहरू हो, आफ्‍ना जवानीमा आनन्‍द गर, युवावस्‍था छउञ्‍जेल सुख-चैन गर। आफ्‍नो मनको इच्‍छा पूरा गर र जे मन लाग्‍छ, त्‍यो गर। तर यतिचाहिँ याद राख कि परमेश्‍वरले तिम्रा सबै कामको लेखा लिनुहुनेछ।

केही कुरामा फिक्री नगर, केही कुरामा दु:ख नमान। तिम्रो युवावस्‍था धेरै दिन रहनेछैन।

हावापानी ठीक हुने बेला पर्खिरह्यौ भने तिमीले कहिल्‍यै अन्‍न लाउने र त्‍यसको कटनी गर्नेछैनौ।

परमेश्‍वरले सबै थोक बनाउनुभयो तर तिमी जसरी गर्भवती स्‍त्रीको गर्भमा जीवन सुरु भएको बुझ्‍न सक्‍दैनौ, त्‍यसरी नै परमेश्‍वरको काम बुझ्‍न सक्‍दैनौ।

बिहानै बिउ छर्ने गर, बेलुका पनि खाली हात नबस। राम्रो उब्‍जनी हुन्‍छ कि हुँदैन अथवा अहिले छरेको बिउ वा गरेको काम राम्रो हुन्‍छ, त्‍यो तिमी कहिल्‍यै जान्‍दैनौ।

तिमीले सात, आठ जनालाई भाग बाँडिदेऊ किनभने तिमी जान्‍दैनौ, कस्‍तो विपत्ति देशमा आइपर्नेछ।