Popular Bible Verses from Rome 7

Share

Aku meri terima kasih ngagai Allah Taala ulih Jesus Kristus Tuhan kitai! Nya alai, ngena runding aku, aku nyadi ulun adat Allah Taala, tang ngena tubuh aku, aku nyadi ulun adat dosa.

Laban aku nemu, nadai utai ti badas diau dalam aku, reti nya, dalam tubuh aku. Aku keran deka ngereja utai ti ngena, tang aku enda ulih ngereja utai nya.

Laban aku ukai ngereja utai ti badas ti dikedekaka aku, tang ngereja utai ti jai ti dikenggaika aku.

Enti aku ngereja utai ti dikenggaika aku, ukai aku ke ngereja utai nya, tang dosa ti diau dalam aku.

Nya alai, aku nemu, tu amat adat ba aku: lebuh aku deka ngereja utai ti badas, aku lalu milih penyai. Laban dalam ati aku, aku endang rinduka adat Allah Taala

Nyadi enti aku ngereja utai ti dikenggaika aku, reti nya aku besetuju ngumbai Adat nya badas.