Popular Bible Verses from Rome 16

Share

nya baru Allah Taala, ke pun pemaik, deka ngeredakka Sitan di baruh kaki kita enda lama da agi. Awakka pengasih Tuhan Jesus meruan enggau kita.

Menyadi, aku minta kita bejaga ari orang ke mai penyerekang lalu mechahka gerija, ke ngelaban ajar ti udah diajar ngagai kita. Anang begulai enggau sida!

Laban orang ke baka nya ukai bekereja ke Kristus Tuhan kitai, tang bekereja nitihka pengingin sida empu. Ngena jaku ti manis enggau jaku kelangkung sida nipu orang ke enda nemu berunding.

Aram kitai ngemuliaka Allah Taala ke ulih ngeringka kita, nitihka Berita Manah ti ditusui aku enggau nitihka ajar Jesus Kristus, nitihka pemandang pasal misteri ti lama udah dilalaika dulu kelia tang diatu, ari asuh Allah Taala ti meruan belama iya, udah diayanka, lalu ulih jaku ti ditulis sida nabi, dipadahka ngagai semua orang bansa bukai ngambika semua orang tau arap lalu ngasi. Ngagai Allah Taala ti siku aja, ke nemu semua utai, beri meh mulia belama-lama iya, ulih Jesus Kristus! Amin.