Popular Bible Verses from Rome 1

Share

Laban aku enda malu ke Berita Manah, laban nya kuasa Allah Taala kena nyelamatka genap iku orang ke arap, keterubah orang Judah, lalu mega orang bansa bukai.

Laban Berita Manah mandangka chara Allah Taala ngasuh orang bebaik enggau Iya, iya nya nengah pengarap kenyau ari pun datai ke ujung. Munyi ti ditulis, “Orang ke lurus deka idup ngena pengarap.

Kenyau ari penumbuh dunya, kuasa Allah Taala ti meruan belama iya enggau kualiti Iya ti enda ulih dipeda, udah ditemu sereta dipeda mensia ari utai ti digaga Iya. Nya alai sida nadai kebuah enda nemu

laban taja pen sida nemu Allah Taala, tang sida enda ngemesaika Iya nyadika Allah Taala sida, tauka meri terima kasih ngagai Iya, tang sida berundingka utai ti nadai guna, lalu runding sida mapap sereta penuh laban pemetang.

laban sida nyilih pemendar pasal Allah Taala enggau pemula, lalu nyembah sereta betuaika utai ti digaga Allah Taala, ukai nyembah Allah Taala Empu ke ngaga semua utai lalu patut dipuji belama iya! Amin.

Laban pengeringat Allah Taala dipandangka ari serega ngelaban semua dosa enggau penyai mensia ti nagang sida nemu pemendar.

Nya kebuah Allah Taala nejuka sida nurutka pengingin sida ti jai. Indu beleman enggau indu; lalu baka nya mega lelaki enggai beleman enggau indu. Lelaki tetengukka lelaki, lalu sida enda nemu malu beleman enggau orang ke sama lelaki baka sida empu, lalu sida nerima ukum ba tubuh sida empu ketegal penyalah sida. Nyadi laban sida ngumbai diri tau enda ibuh nemu Allah Taala, nya alai Iya nejuka sida diperintah runding ti jai, ngambika sida ngereja utai ti enda patut dikereja sida.

Sida ngumbai diri bepenemu-dalam, tang sida beli, lalu sida nyilih mulia Allah Taala ti idup belama iya, enggau engkeramba ti digaga neladan gamal mensia ti enda ulih idup belama iya, tauka neladan gamal burung, tauka jelu, tauka ular.