Popular Bible Verses from Masmur 77

Share

Aku deka ngingatka pemesai kereja Nuan, O TUHAN. Aku deka ngingatka utai ti nyelai ti udah dikereja Nuan dulu kelia. Aku deka berundingka semua utai ti udah dikereja Nuan. Aku deka belematika semua pengawa Nuan ti besai.

Nuan tu meh Allah Taala ti ngereja kereja ajih. Nuan udah ngayanka kuasa Nuan ngagai semua bansa.

Semua utai ti dikereja Nuan, O Allah Taala, endang kudus magang. Nadai petara bukai ke bekuasa baka Nuan.

Aku nyabak duie-duie ngagai Allah Taala. Aku nyabak duie-duie, lalu Iya ninga aku. Lebuh maya tusah, aku besampi ngagai TUHAN. Semalam-malam aku ngangkatka jari besampi, tang aku nadai nemu utai ti ulih merindang aku.