Popular Bible Verses from Masmur 51

Share

Gaga ati aku tuchi, O Allah Taala, lalu simpan roh ti baru sereta taluk, dalam aku.

Pulaika aku baru ngagai pengaga ti datai ari pengelepas Nuan, lalu asuh aku rajin ngasika Nuan.

Anang muai aku ari mua Nuan. Anang ngambi Roh Kudus Nuan ari aku.

Piring aku nya ati ti baruh, O Allah Taala. Nuan enggai nulak ati ti baruh, ati ti nesal.

Kasihka aku, O Allah Taala, laban pengerindu Nuan endang meruan. Laban pengasih Nuan endang besai, buai meh dosa aku! Buai abis semua penyai aku lalu tuchi aku ari dosa aku!

Buai dosa aku, lalu aku deka nyadi tuchi. Basu aku, lalu aku deka nyadi burak agi ari seleju.

Aku udah bedosa ngelaban Nuan - ngelaban Nuan siku aja, lalu udah ngereja utai ti dikumbai Nuan jai. Nya alai Nuan endang sigi ngereja utai ti ngena lebuh Nuan ngakim aku. Nuan endang patut ngukum aku.