Popular Bible Verses from Masmur 42

Share

Nama kebuah ati aku balat tusah? Nama kebuah ati aku balat enda lantang? Aku manggaika pengandal aku ba Allah Taala, lalu aku deka sekali agi muji Iya ke Penebus enggau Allah Taala aku.

Baka rusa ti tetengukka ai sungai ti chelap, baka nya meh aku lelengauka Nuan, O Allah Taala. Aku aus ke Nuan, O Allah Taala ti idup. Kemaya aku ulih besembah di mua Nuan?

Nama kebuah ati aku tusah? Nama kebuah ati aku enda lantang? Aku deka manggaika pengandal aku ba Allah Taala, lalu aku deka sekali agi muji Iya ke Penebus enggau Allah Taala aku.

Siang malam aku nyabak, lalu semina ai mata aja nyadika pemakai aku. Bala munsuh aku seruran nanya, “Dini alai Allah Taala nuan?”

Di menua ti udah alai aku dibuai, ati aku balat tusah. Nya alai aku nguingka runding aku ngagai TUHAN. Iya udah ngasuh semengat aku balat sinu. Penyarut inggar ninggang aku baka ai bah, baka ai wung ti belauh labuh ngagai Sungai Jordan ari bukit Hermon enggau ari bukit Misar.