Popular Bible Verses from Masmur 40

Share

Aku nganti TUHAN enggau ati ti liat. Iya nyingitka pending Iya, lalu ninga sabak aku. Iya narit aku pansut ari lubang pemati, ari tanah pasir ti tau nginsap lalu munuh. Iya ngengkahka aku ba atas batu lalu nyaga aku.

Iya ngajar aku nyanyi lagu ti baru, lagu ti dikena muji Allah Taala kitai. Mayuh orang ke meda utai tu deka takut lalu deka manggaika pengarap sida ba TUHAN.

Beberekat meh orang ke manggaika pengarap ba TUHAN, ti enda nyembah engkeramba tauka enggau orang besembahka petara ti pelesu.

Naka meh pengerindu ati aku ngereja peneka Nuan, O Allah Taala aku! Aku nyimpan ajar Nuan dalam ati aku.”

O TUHAN, aku nemu Nuan enggai badu kasihka aku. Pengerindu enggau penaluk Nuan deka seruran nyaga aku.