Popular Bible Verses from Masmur 139

Share

Aku muji Nuan laban Nuan endang patut dikenangika, laban semua utai ti dikereja Nuan endang nyelai sereta manah magang. Nuan sigi nemu aku.

Peresa meh aku, O Allah Taala, ngambika Nuan nemu ati aku. Uji meh ati aku, ngambika Nuan nemu runding aku. Giga meh ulah ti jai dalam aku lalu iring aku niti jalai ti meruan belama iya.

Laban Nuan udah nempa semua perengka tubuh aku; lalu bejantilka aku dalam kandung indai aku.

Nuan endang udah meda aku sebedau aku ada. Umur ti diungkup Nuan ke aku endang udah ditulis dalam bup Nuan, sebedau utai nya nyadi.

O TUHAN, Nuan udah meresa lalu nemu aku.

Kini ke tunga aku ulih ngerarika diri ari Nuan? Ngagai ni aku ulih ngerarika diri ari Nuan?

Nuan nemu semua utai ti dikereja aku; Ari jauh Nuan meda semua runding aku.

Indah sebedau aku bejaku deh Nuan endang udah nemu semua utai ti deka disebut aku.

Nuan meda aku lebuh aku gawa tauka belelak, lalu Nuan nemu semua utai ti dikereja aku.